Сокинони Тошкандро барои нақзи карантин беш аз 1 млн сӯм ҷарима карданд30-03-2020, 09:29
Хабарро хонданд: 287 нафар
Назарҳо: 0
 Сокинони шаҳри Тошканди Ӯзбекистон 27 март сарфи назар аз эъломи карантин кушиш карданд, ки дар саҳни яке аз биноҳои баландошёнаи зисти ноҳияи Чилонзор тӯй баргузор кунанд.Ба иттилои расонаҳои маҳаллӣ, як қисми иштирокчиёни тӯй ниқоби тиббӣ надоштанд. Баъди муроҷиати сокинони бино ба маҳалли ҳодиса кормандони пулис ва ниҳодҳои дахлдори давлатӣ ҳозир шуда, баргузории тӯйро манъ карда, бо иштирокчиён корҳои фаҳмондадиҳӣ анҷом доданд. Нақзкунандагони карантин ба маблағи беш аз 1 миллион сӯм (100 доллар) ҷарима карда шуданд. Дар Ӯзбекистон ба иллати коронавирус аз 16 март карантин эълом шудааст. Ҳамчунин аз 27 март сокинони ин кишвар вазифадор шудаанд, ки бидуни зарурат ба берун набароянд. Онҳо танҳо ба хотири хариди дору ва ғизо ҳаққи берун рафтанро доранд. Дар ин кишвар то рӯзи 30 март шумори мубталоён ба коронавирус ба 144 нафар расидааст. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
