Бадхоҳони миллат моро гумроҳ сохта наметавонанд

ТЕМУРМАЛИК. Мусоҳибаи дардовари сокини ноҳияи Дарвоз Ҳасанов Собиршо Машрабовичро дар сомонаи АМИТ «Ховар» мутолиа карда, таъҷилан онро дар миёни аҳли ҷомеа мавриди омӯзиши ҷиддӣ ва баррасӣ қарор додем. Бо фарогирии гуруҳҳои калони ҷавонон, аъзоёни фаъоли ҲХДТ, инчунин муҳоҷирони меҳнатие, ки сари чанд вақт ба давлати Россия ва дигар кишварҳои хориҷӣ барои мардикорӣ мераванд, дар ҷамоатҳои деҳот вохӯриҳои фаҳмондадиҳӣ гузаронида шуд.
Дар ҷамъомадҳои баргузоргашта раиси Кумитаи иҷроияи ҲХДТ дар ноҳияи Темурмалик Раҷабзода Маҳмадсаид, мудири бахши муҳоҷирати ноҳия Сафаров Баҳодур суханронӣ карда, муҳтавои мусоҳибаро ба мардуми дар ҳамоишҳо гирдомада фаҳмониданд.
Тавассути ин вохуриҳо сокинони ноҳия оид ба рафтори ғайриқонунӣ, қаллобӣ, таҳдид, хиёнату хоинӣ ва муносибати ноҷавонмардонаи роҳбар ва аъзои ташкилоти террористӣ-Экстремистии ҲНИТ ва созмони ҷиноятии «Гуруҳи 24», ки дар қаламрави Туркия қарор доранд, огаҳии ҳаматарафа пайдо карданд.
Ба ҷавонон, хусусан муҳоҷирони меҳнатӣ фаҳмонда, инчунин таъкид карда шуд, ки ҳангоми сафар ва сукунат дар хориҷа фирефтаи ҳаргуна шахсони ношиносу хоини миллату Ватан нашавед.
Иштирокдорони вохуриҳо низ андешаҳои ҷолиб баён карда, амалҳои ноҷавонмардонаи Кабириро қотеона маҳкум карданд.