ХУШБАХТИИ ДУ ҶАВОН

Кумитаи иҷроияи Ҳизби Халқии Демократии Тоҷикистон дар ноҳияи Шаҳринав дар асоси банди 18-и тавзеҳоти Роҳбари Дастгоҳи иҷроияи Президенти Ҷумҳурии Тоҷикистон аз 25.10.2020, №30/10-164 «Оид ба муҳлатҳои пешниҳоди маълумот аз ҷараён ва натиҷаи иҷрои бандҳои нақшаи чорабиниҳо аз 13 октябри соли 2020 №24/10-388 оид ба иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки дар ҷараёни сафари корӣ ба ноҳияи Шаҳринав 30 сентябри соли 2020 баён доштанд», санаи 25-уми июни соли 2022 дар тарабхонаи «Шоми Қаратоғ»-и ноҳия аз соати 13 то 16 тўйи арўсии ду ҷавон - Холзода Лайлобону Абдуҷаббор ва Муҳриддин Бобоев дар асоси талаботи Қонуни Ҷумҳурии Тоҷикистон “Дар бораи танзими анъана ва ҷашну маросим” баргузор гардид.
Навхонадорон аз ҷониби Кумитаи иҷроияи ноҳиявии ҳизб бо таҷҳизоти тўёна таъмин гардида, инчунин шаҳодатномаи ақди никоҳи арўсу домод дар фазои тантанавӣ дар асоси Кодекси оилаи Ҷумҳурии Тоҷикистон аз ҷониби мудири бахши сабти асноди ҳолати шаҳрвандии ноҳияи Шаҳринав супорида шуд.
Узви ҲХДТ Холзода Лайлобону Абдуҷаббор, пас аз хатми Донишгоҳи давлатии забонҳо ба номи Сотим Улуғзода, алҳол дар шуъбаи магистратураи Академия идоракунии давлатии назди Президенти Ҷумҳурии Тоҷикистон таҳсил мекунад. Домод Муҳридин Бобоев бошад, ба фаъолияти соҳибкорӣ машғул аст.