Шумора гирифторони CОVID-19 дар Аврупо афзоиш меёбад

Доман паҳн кардани бемории CОVID-19 миёни ҷомеаи башарӣ ҳамоно идома дорад. Феълан аксар кишварҳои минтақаи Аврупо аз зиёдшавии ҳолатҳои гирифтории сокинон ба ин беморӣ хабар медиҳанд. Чанд рўзе қабл ҳукумати Фаронса аз ҷорӣ шудани маҳдудиятҳои рафтуомад ба минтақаи Порис ва якчанд шаҳри дигар хабар доданд.
Ин дар ҳолест, ки бақайдгирӣ ва паҳншавии Каронавирус дар Фаронса дар фасли баҳори соли ҷорӣ мушоҳида гардида, бо тадбирҳои андешида ба ҳадде шумораи гирифтор ба ин маризӣ зиёд набуд, аммо наздики як моҳ аст, ки шумораи мубталоён ба ин беморӣ рў ба афзоиш ниҳодааст. Вазъияти мазкур ҳамакун дар кишварҳои Италия, Испания низ ба мушоҳида мерасад. Мувофиқ ба таҳлиҳо дар як рӯз шумораи гирифторон ба коронавирус дар Аврупо наздики ба 100 ҳазор нафар баробар шудааст. Ин дар ҳолест, ки ҳолатҳои фавти шаҳрвандон бо омили гирифторӣ ба каронавирус низ афзоиш ёфта истодааст.
Шумораи гирифторон ба каронавирус дар Амрико нисбат ба моҳҳои тобистон камтар шудаст. Мувофиқ ба таҳлиҳои байналмиллалӣ вазъият дар кишвари Ҳиндустон нигаронкунанда буда, шумораи мубталоён ба ин мазирӣ аз ҳама бештар дар ин кишвар арзёбӣ мегардад. Вазъияти гирифтории сокинон ба бемории каронвирус дар кишварҳои минтақи Осиёи Марказӣ, нисбатан муътадил арзёбӣ мегардад, аммо дар чанд рўзи охир мақомоти марбутаи Русия, Гурҷистон, Арманистон, Озарбойҷон аз холатҳои афзоиш ёфтани шумораи мубталиён ба ин бемориро хабар медиҳанд.
Ҳолатҳои сироятёби сокинони Ҷумҳурии Тоҷикистон ба маризии каронавирус давра ба давра коҳиш ёфта, мувофиқ ба омори расмӣ санаи 14 октябри соли ҷорӣ, дар Ҷумҳурии Тоҷикистон 39 ҳолати нави сирояти COVID-19 ба қайд гирифта шудааст. Бино ба иттилои дастрас дар маҷмӯъ сирояти коронавирус дар муддати аз 30 апрел то 14 октябр 10336 ҳолатро ташкил дода, дар мамлакат 9245 (89,4%) нафар аз бемории COVID-19 шифо ёфтаанд ва бар асари он 79 нафар фавтидаанд. Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.
То ба ҳолати рўзи 13-уми октябри соли равон умуман дар ҷаҳон шумораи гирифторон ба маризии мазкур 38 миллион нафар гуфта шуда, наздики 1 миллион нафари дигар ҷони худро аз даст додаанд.