DataLife Engine > Занон > Эҳёи ҳунарҳои миллӣ - зиннатбахши рўзгори мардум

Эҳёи ҳунарҳои миллӣ - зиннатбахши рўзгори мардум


20-06-2018, 08:52. Разместил: admin Эҳёи ҳунарҳои миллӣ - зиннатбахши рўзгори мардум
Панҷ. Ҷиҳати иҷрои дастуру ҳидоятҳои пайгиронаи Асосгузори сулҳу ваҳдати миллӣ –Пешвои миллат, Президенти кишвар муҳтарам Эмомалӣ Раҳмон вобаста ба Соли рушди сайёҳӣ ва эҳёи ҳунарҳои мардумӣ ҷиҳати тарғиби либоси миллӣ ҳамчун рукни фарҳангӣ таваҷҷуҳи зиёд дода шуда истодааст.
Бо ташаббуси Кумитаи иҷроия дар ноҳия корхонаҳои хурди истеҳсолии ҳунарҳои миллӣ ва дастиву хонагӣ, корхонаҳои хурдӣ адрасбофӣ, атласбофӣ зиёд гардида истодааст.
Чунин як корхонаи дўзандагии ҳунарҳои мардумӣ, ки роҳбараш Усмонова Қундузой мебошад, дар маркази шаҳраки Панҷ фаъолияти густурда менамояд.
Гулдухтарони ҷавони ин коргоҳ бо дўхтани куртаҳои чакан, гулдўзӣ, куртаҳои миллӣ, қуроқдўзӣ, муҳрабофӣ, кокулбофӣ, тоқиву ҷомаҳои зардўзӣ, болишту куртаҳои попурӣ, дўхтани ҷиҳози гаҳвора ва сару либоси мактабӣ машғуланд. Маҳсули истеҳсолнамудаи ин коргоҳ мудом дар намоишгоҳҳо ба маърази тамошо гузошта шуда, талабгорони зиёд доранд.
Мақсад аз таъсис додани чунин корхонаҳои хурди истеҳсолӣ эҳё намудани ҳунарҳои миллӣ, ки солҳои охир аз мадди назар дур гашта буд, ҳамзамон бо ҷойи кори доимӣ ва бо шароити арзанда таъмин намудани занону духтарон, илова бар ин тарбияи насли наврасу ҷавон дар рўҳияи худшиносӣ ва меҳанпарастӣ, ҳавасманд гардонии онҳо барои рў овардан ба асолати миллӣ ва дар замири онҳо бедор кардани ҳисси зебоипарастӣ ва ҳувияти миллӣ мебошад.



КИ ҲХДТ дар ноҳияи Панҷ.


Вернуться назад