Аксияи ҳизбӣ

Бо ташаббуси Кумитаи иҷроияи ҲХДТ дар шаҳри Кӯлоб дар якҷоягӣ бо Кумитаи ҷавонон, варзиш ва сайёҳии шаҳри Кӯлоб дар китобхонаи вилоятии ба номи Садриддин Айнӣ дар шаҳри Кӯлоб Аксияи ҳизбӣ таҳти унвони «Китоби «Шоҳнома»-и Абулқосим Фирдавсӣ ва китоби «Тоҷикон дар оинаи таърих»-и Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмонро мехонем!» доир гардид.

Дар аксияи мазкур раиси Кумитаи иҷроияиҲХДТ дар ш. Кӯлоб Валиева Саъбагул, таърихшинос Шоҳинов Ҳасан, директории китобхонаи вилоятии ба номи Садриддин Айнӣ дар ш. Кӯлоб Обидов С ва дигар шахсони расмӣ иштирок карда суханрони намуданд.
Зимни баргузории чорабинӣ қирати порчаҳои назмӣ ва нақли насрӣ аз китоби «Шоҳнома»-и Абулқосим Фирдавсӣ, шеърҳо дар васфи ватан, ваҳдат, истиқлолият ва хондани порчаҳои мазмунан ва мантиқан баланд аз китоби «Тоҷиктон дар оинаи таърих»-и Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон аз ҷониби донишҷӯён иҷро карда шуданд.

Бояд зикр кард, ки бо мақсади дар қалби ҳар як шаҳрванд, хусусан, ҷавонон бедор кардани ҳисси ватанпарастӣ, худшиносӣ ва омодасозии онҳо барои ҳифзу таҳкими пояҳои соҳибистиқлолии Тоҷикистон ва инчунин дар амал татбиқ намудани ғояҳои дар ин шоҳасарҳо овардашуда аксияи мазкур баргузор шуда истодааст.