Ду аксияи огоҳкунандаи таърих

Дар ташкилотҳои ибтидоии ҳизбии Кумитаи иҷроияи ҲХДТ дар шаҳри Норак тибқи дастуру супориши Кумитаи иҷроияи ҳизбии вилояти Хатлон Аксияи ҳизбӣ таҳти унвони «Китоби «Шоҳнома»-и Абулқосим Фирдавсӣ ва китоби «Тоҷикон дар оинаи таърих»-и Асосгузори сулҳу Ваҳдати миллӣ-Пешвои миллат Эмомалӣ Раҳмонро мехонем!» гузашта истодааст.

Рӯзи 9 июни соли равон ташкилоти ибтидоии ҳизбии «Фарҳанг» бо ҷалби китобхонаҳою клубҳои деҳот, дар мавзуъҳои тарбияи насли наврас, эҳтироми падару модар, аҳамияти хондани китобҳои бадеӣ, чорабинии хотирмон омода намуда, пешкаши тамошобинон гардониданд. Дар ин чорабинӣ клубҳои маҳаллаи Энергетик, Чашма, Тутқавул, Дӯстӣ бештар намоишҳои тарбиявиро ба роҳ монданд. Аъзоёни ТҶҶ «Созандагони Ватан» порчаҳои шеърӣ аз достонҳои безаволи китоби «Шоҳнома»-и Абулқосими Фирдавсӣ ва порчаҳои насрӣ, ки ҷиҳати баланди ифтихори миллӣ доштанд аз китоби «Тоҷикон дар оинаи таърих»-и Асосгузори сулҳу Ваҳдати миллӣ-Пешвои миллат Эмомалӣ Раҳмонро қироат намуданд.

Аъзоёни ҲХДТ аз ташкилоти ибтидоии фарҳанг бо оҳанг шеърҳо дар васфи Ватан, Тоҷикистони соҳибистиқлол, Ваҳдати тоҷикон шеърҳо хонда раққосону оҳангнавозон аз мактаби мусиқии шаҳр бо баромадҳои худ хотири иштирокчиёнро болида гардониданд.