Дастгирии кӯдакони имконияташон маҳдуд

Ҳамасола санаи 1 июн-Рӯзи байналмиллалии ҳифзи кӯдакон дар кишвари азизамон – Тоҷикистони соҳибистиқлол бо шукӯҳу шаҳомати хоса таҷлил гардида, бори дигар таваҷҷӯҳи аҳли ҷомеаро ба олами рангини кӯдакон ҷалб менамояд. Тавре ки равшан аст, Ҳукумати кишвар, хусусан Раиси ҲХДТ Асосгузори сулҳу ваҳдати милли-Пешвои миллат, Президенти мамлакатамон мӯҳтарам Эмомали Раҳмон нисбати кӯдакони ятим, бепарастор, кӯдакони имконияташон маҳдуд ва оилаҳои ниёзманд таваҷҷӯҳи хоса зоҳир намуда, мунтазам онҳоро бо ғамхориву дастгири ва кӯмакҳои модди фаро гирифта мешавад. Мақомоти иҷроияи ҳокимияти давлатии шаҳри Конибодом ва кулли аъзоёни ҲХДТ сиёсати Сарвари давлатамонро бобати дастгирӣ ва ҳалли саривақтии муаммову дархости ин қишри ҷомеа ҳамарӯза ҷиҳати расонидани кӯмакҳои модди ҳамаи имкониятҳоро роҳандозӣ менамояд ва дар баробари он зарур аст, ки масъалаи мазкур бояд таҳти таваҷҷӯҳи доимии аҳли ҷомеа низ қарор дода шавад. Аз ин лиҳоз, санаи 1 июн дар чойхонаи Дилписанди Боғи маркази шаҳр чорабинии сиёсиву фарҳанги баргузор гардид. Хазинаи хайриявии кӯдакон ташкил карда шуд, ки дар интиқоли маблағи хайрия кулли сокинон саҳм гузоштанд, ҳамзамон аз санаи 1 то санаи 3 июн дар Боғи марказии шаҳри Конибодом барои кӯдакон ҳамаи намуди бозихо ройгон аст.