Идомаи Аксияи ҳизбӣ

Дар муассисаи таҳсилоти миёнаи умумии №50-и шаҳри Кӯлоб Аксияи ҳизбӣ таҳти унвони «Китоби «Шоҳнома»-и Абулқосим Фирдавсӣ ва китоби «Тоҷикон дар оинаи таърих»-и Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмонро мехонем!» доир гардид.

Дар Аксияи мазкур раиси Кумитаи иҷрояи ҲХДТ дар шаҳри Кӯлоб Валиева Саъбагул, ховаршинос Зафари Мирзоён, мудири шуъбаи маорифи мақомоти иҷрояи ҳокимияти давлатии шаҳри Кӯлоб Раҳмонов Абдулманон, устоди Донишкадаи технологӣ, менеҷмент ва иноватсионии шаҳри Кӯлоб Нозим Талаб, директори китобхонаи вилоятии ба номи Садриддин Айнӣ дар шаҳри Кӯлоб Обидов С. иштирок ва суханронӣ карданд.

Баъд аз суханрониҳо мутобиқи шаҳртҳои Аксия хонандагони ин муассисаи таълимӣ намоиши достони «Рустам ва Суҳроб», қироати порчаҳои шеърӣ аз рӯи китоби «Шоҳнома»-и Абулқосим Фирдавсӣ, инчунин дар васфи Ватан, Истиқлолият, Ваҳдати миллӣ, намоиши рақс ва либосҳои миллӣ баромадҳо аз китоби «Тоҷикон дар оинаи таърих»-и Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон пешкаши ҳозирин гардониданд.

Бояд ёдовар гашт, ки бо мақсади ба таври васеъ тарғиб ва муаррифии рушди соҳаҳои афзалиятноки давлатӣ, дастгириву тарбияи ҷавонон дар руҳияи ватандӯстӣ, боз ҳам наздиктар ба мазмуну муҳтавои ин асарҳо шинос намудани ҷавонон ва равона сохтани онҳо ба омӯзиши ин ду шоҳасар, Аксияи мазкур доир гашта истодааст.