ДАР НОҲИЯИ ШОҲМАНСУР ТАШКИЛОТИ НАВИ ИБТИДОИИ ҲИЗБӢ БО НОМИ "САЙЁР" ТАЪСИС ДОДА ШУД

11 марти соли ҷорӣ, дар асоси санадҳои меъёрӣ - ҳуқуқӣ вобаста ба фаъолияти ҳизбҳои сиёсӣ, Оинномаи Ҳизби Халқии Демократии Тоҷикистон ва нақшаи тасдиқгардидаи Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур ҷиҳати таъсиси ташкилотҳои ибтидоии ҳизбӣ дар Ҷамъияти дорои масъулияташ маҳдуди “Сайёр - 1” бо иштироки намояндагони Кумитаи иҷроияи ҲХДТ дар ноҳияи Шоҳмансур маҷлиси муассисон баргузор гардид.

Зимни баргузории маҷлиси муассисон мудири шуъбаи ташкилӣ ва кор бо кадрҳои Кумитаи иҷроияи ҲХДТ дар ноҳияи Шоҳмансур – Содиқов Умед баромад намуда, нахуст ба масъулини ҶДММ “Сайёр - 1” ҷиҳати баргузории маҷлиси мазкур изҳори сипос намуд.

Қайд гардид, ки дар асоси моддаи 4.2-и Оинномаи Ҳизби Халқии Демократии Тоҷикистон дар ҳолати ба қайд гирифтани 5 нафар аъзои ҳизб метавон дар ин ё он муассиса ва корхонаҳо ташкилоти ибтидоии ҳизбӣ таъсис дод. Оид ба масъалаи мазкур, яъне таъсиси ташкилоти ибтидоии ҳизбӣ дар ҶДММ “Сайёр - 1” кормандони ҷамъият баромад намуда, пешниҳоди мазкурро якдилона дастгирӣ намуданд.

Дар идома, бо пешниҳоди маҷлиси муассисон ташкилоти ибтидоии ҳизбии “Сайёр”- и ҶДММ “Сайёр - 1” таъсис дода шуд.

Ҳамзамон, бо дастгирӣ ва ҷонибдории аъзои ҳизб Маллаев Бегмурод ба ҳайси раис ва Иброҳимов Иброҳим ба ҳайси муовини раиси ташкилоти ибтидоии ҳизбии “Сайёр” интихоб гардиданд.

Дар фарҷом, ба нафароне, ки иродаи сиёсии худро муайян намуда, ба сафи ҲХДТ пайвастанд, дар вазъияти тантанавӣ шаҳодатномаҳои ҳизбӣ ва туҳфаҳои хотиравии Кумитаи иҷроияи ҲХДТ дар ноҳияи Шоҳмансур тақдим карда шуд.