ТАШКИЛОТИ ИБТИДОИИ ҲИЗБИИ “Е ДОНИШ” ТАЪСИС ЁФТ

Дар Ҷамъияти дорои масъулияташ маҳдуди “Е Дониш” тибқи талаботи Оинномаи Ҳизби Халқии Демократии Тоҷикистон маҷлиси муассисони ташкилоти ибтидоии Ҳизби Халқии Демократии Тоҷикистон баргузор гардид.
Дар ибтидои кори ҷаласа директори Ҷамъияти дорои масъулияташ маҳдуди “Е Дониш” Лутфия Умарова вобаста ба фаъолияти “Е Дониш” ибрози андеша намуд.
Сипас, раиси Кумитаи иҷроияи ҲХДТ дар ноҳияи Исмоили Сомонї Убайдулло Қурбонзода иброз дошт, ки Ҳизби Халқии Демократии Тоҷикистон ҳамчун ҳизби сиёсї бо роҳи иштирок дар ҳаёти сиёсии ҷомеа барои таҳкими давлати соҳибихтиёр, демократї, ҳуқуқбунёд ҳамчунин, рушди устувори иқтисодї ва таъмини зиндагии осоиштаи мардум фаъолияти худро ба роҳ мондааст.
Инчунин зикр шуд, ки Ҳизби Халқии Демократии Тоҷикистон дар доираи Конститутсияи Ҷумҳурии Тоҷикистон, қонунҳои конститутсионї, Қонуни Ҷумҳурии Тоҷикистон “Дар бораи ҳизбҳои сиёсї”, Оиннома ва Барномаи худ амал мекунад.
Тибқи талаботи банди 4.2-и Оинномаи Ҳизби Халқии Демократии Тоҷикистон, бо ҷонибдории аъзои ҳизб ташкилоти ибтидоии ҳизбї таъсис ва он “Е Дониш” номгузорї карда шуд.
Ҳамин тариқ, тибқи талаботи Оинномаи ҳизб бо дастгирии аъзои ҳизб Лутфия Умарова ба ҳайси раиси ташкилоти ибтидоии ҳизбї интихоб карда шуд.
Мувофиқи баррасии рўзномаи маҷлис ба кормандони Ҷамъияти дорои масъулияташ маҳдуди “Е Дониш”, ки мавқеи сиёсиашонро муайян намуда, ба Ҳизби Халқии Демократии Тоҷикистон аъзо гардиданд, дар вазъияти тантанавї шаҳодатномаҳои аъзои ҳизб супорида шуданд.