ТАШКИЛОТИ ИБТИДОИИ “МАДАДИ СИНО” ТАЪСИС ЁФТ

Имрӯз бо ибтикори кормандони Кумитаи иҷроияи ҲХДТ дар ноҳияи Фирдавсӣ ташкилоти ибтидоии ҳизбии “Мадади Сино” таъсис ёфт.
Дар маҷлиси муассисон масъалаи интихоби раиси ташкилоти ибтидоии ҳизбӣ, муовини раиси ташкилоти ибтидоӣ, номгузории ташкилоти ибтидои баррасӣ ва шаҳодатномаҳои ҳизбии 6 нафари ба тозагӣ ба сафи ҳизб пайваста дар вазъияти тантанавӣ супурда шуд.
Убайдулло Қурбонов, муовини раис – роҳбари дастгоҳи кумитаи иҷроияи ҳизбии ноҳия баъди номгузорӣ, ба овоз мондани номзадии Ҳокима Афсияева ба ҳайси раиси ташкилоти ибтидоӣ ва Хоҷаев Фирдавс ба ҳайси муовини раиси ташкилоти ибтидои ҳозиринро бо таъсиси ташкилоти ибтидоии ҳизбӣ бо номи “Мадади Сино” табрик гуфта, дар бораи мақому нуфузи Ҳизби Халқии Демократии Тоҷикистон ҳарф зад. Мавсуф таъкид намуд, узви ин ҳизби пешсафи ҷомеа будан ифтихору шараф буда, аз ҳар аъзои он масъулияту кордонӣ, садоқату заҳмат баҳри нафъи ин миллату давлат мехоҳад. Таъкид гардид, ки заҳмату фидокориҳои Раиси муаззами ин ҳизби бонуфуз, Асосгузори сулҳу ваҳдати миллӣ-Пешвои миллат, Президенти мамлакат, муҳтарам Эмомалӣ Раҳмон беҳаду канор ва боиси таҳсину офарин буда, аъзои онро низ чунин садоқату ҷоннисорӣ баҳри манфиатҳои миллат мебояд.