Шоира фахри мо

Донишгоҳи давлатии тиҷорати Тоҷикистон боз як дастоварди худро дар вазъияти тантанавӣ қайд намуд. Донишҷӯйӣ курси сеюми ДДТТ Шоира Зулқайнарова дар Чемпионати Осиё оид ба бокс сазовори ҷойи 3-юм гашт. Ӯ дар миёни варзишгарони 16 давлат ва бо ҳарифони чиниву кореягӣ дар нимфинал ва дар финал ҳарифи монголияшро мағлуб намуда, дар ин бозӣ дастболо гардид.
Шоира қаблан дар Чемпионати ҷаҳон миёни донишҷӯдухтарон дар Якутияи Русия ва дар мусобиқаи байналмилалӣ дар ҷумҳурии Қирғизистон ҷойҳои дуюмро гирифта буд.
Файзалӣ Акрамов, ноиби ректор оид ба корҳои таълиму тарбияи ДДТТ таъкид намуд, ки аз қадим қаҳрамонии бонувони мо дар адабиёту таърих дарҷ гардидааст, ки ин нишонаи мақому мартабаи хешро доштани занони мо дар ҷомеа буд ва Шоира намунаи занони қаҳрамони таърихии мо мебошад.
Суҳбатулло Ҳикматов, декани шуъбаи ғоибонаи ДДТТ дар мавриди саъйю кӯшиши Шоира ҳам дар дарсҳо ва ҳам дар тамрину машқҳо ҳарф зада, баён дошт, ки фаъолият ва симои ӯ боиси пайравиву ибрати ҳамсолонаш бояд бошад.
Абдуалим Ҳомидов, роҳбари шуъбаи кор бо ҷавонони донишгоҳ дастовардҳои ӯро муаррифӣ намуда, Шоираро боиси ифтихори натанҳо донишгоҳ, балки ҷумҳурӣ хонд.
Дар ин чорабинӣ намояндагон аз Кумитаи иҷроияи ҲХДТ дар ноҳияи Фирдавсӣ Мадина Абдураҳмонова ва Садаф Сироҷова ширкат доштанд. Ҳамчунин донишҷӯдухтарони муассисаи олӣ низ барои ширкат ва табрики Шоира омада буданд.
©З. Сафарзода