Варзиш омили некномӣ

Баҳри дар амал татбиқ намудани Қонуни Ҷумҳурии Тоҷикистон «Дар бораи мубориза бар зидди коррупсия», Фармони Президенти Ҷумҳурии Тоҷикистон аз 30.08.2013 таҳти № 1504 «Дар бораи Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» ва бо мақсади бартараф кардани шароитҳои ба коррупсия мусоидаткунанда, таҳким бахшидани рушди иқтисодиёти мамлакат ва бурдани муборизаи сартосарӣ алайҳи кирдорҳои коррупсионӣ бо ибтикори кумитаи иҷроияи ҲХДТ дар вилояти Суғд аз 1 то 10 октябри соли ҷорӣ иқдом (аксияи) таҳти унвони «Амалҳои коррупсиониро маҳкум мекунем» дар тамоми шаҳру навоҳии вилоят баргузор гардида истодааст.
Бахшида ба доираи ин иқдом дар шаҳри Чкалов силсила чорабиниҳо ташкил ва гузаронида шуданд. Аз ҷумла, санаи 9-октябр аз тарафи Кумитаи иҷроияи ҲХДТ дар шаҳри Чкалов ва дар ҳамкорӣ бо мактаби варзишии шаҳр мусобиқаи варзишии намуди дастхобонӣ (армреслинг) ташкил ва гузаронида шуд. Мусобиқа аз рӯи вазнҳои 60 кг, 70 кг, 80 кг, 90 кг ва аз 90 кг боло гузаронида шуда, дар он зиёда аз 40 нафар варзишгарон ва ҳаводорони ин намуди варзиш аз Коллеҷи варзишӣ ҷисмонӣ, донишҷӯёни Донишгоҳи кӯҳӣ-металлургӣ, хизматчиёни ШКД ва афсарони қисмҳои ҳарбии шаҳри Чкалов иштирок карданд. Чорабини варзиширо Раиси Кумитаи иҷроияи Ҳизби Халқии Демократии Тоҷикистон дар шаҳри Чкалов Исобой Усмонов ифтитоҳ намуда, бобати аксияи «Амалҳои корупсиониро маҳкум мекунем», баромад карда, дар бораи таъсири ҷиноятҳои коррупсионӣ ба ҷамъияту иқтисодиёти мамлакат ибрози андеша кард.
Доварони мусобиқа: Ҳасанов Хуршед, устоди хизматнишондодаи ҶТ, мураббии шоистаи ҶТ, Расулов Толиб, корманди шоистаи варзиши ҶТ устоди дараҷаи Шӯравӣ оид ба дюздо, Зариф Шарипов, корманди шоистаи варзиши ҶТ ва Сардовари мусобиқа: Комилов Зокирҷон мураббии шоиста, устоди варзиши ҶТ буданд.
Мавриди зикр аст, ки устоди Донишгоҳи кӯҳӣ-металлургии Тоҷикистон, раиси созмони ҷавонони донишгоҳ – Ҷалолов Миршакар, баромад карда иброз дошт, ки баргузории чунин чорабиниҳо айни муддао буда, ба пешгирии ҷиноятҳои коррупсионӣ мусоидат мекунад. Инчунин таъкид карда шуд, ки ҷавонон дар ҳама самт ҷонибдори ҲХДТ буда, зидди ин зуҳуроти номатлуб – коррупсия низ муборизаи беамон хоҳанд бурд.
Дар мусобиқа:
аз рӯи вазни 60 кг – Зухроб Борлиев, донишҷӯи Донишгоҳи кӯҳӣ-металлургии Тоҷикистон,
дар вазни 70 кг Ҳалимов Авазхӯҷа, афсари қисми қӯшунҳои кӯҳгард,
дар вазни 80 кг Рустамов Алиҷон, варзишгари мактаби варзишии шаҳр
дар вазни 90 кг Саидмухтор Холов, донишҷӯи Донишгоҳи кӯҳӣ-металлургии Тоҷикистон
ва дар вазни аз 90 кг боло корманди ШКД-и шаҳри Чкалов
ғолиб гардиданд.
Ғолибон бо тӯҳфаҳои хотирмон ва сипосномаи Кумитаи иҷроияи ҲХДТ дар шаҳри Чкалов қадрдонӣ карда шуданд.
Ҳамчунин қайд кардан зарур аст, ки аз чунин намуди варзиш санаи 7-8-уми октябр дар шаҳри Сочии Федератсия Русия, мусобиқаи байналмиллалӣ доир гардид. Дар ин мусобиқа шаҳрванди Ҷумҳурии Тоҷикистон, зодаи шаҳри Истаравшани бостонӣ иштирок намуда, соҳиби медали биринҷӣ гардида, роҳхат ба бозиҳои пароолимпии Рио-Деҷанейрои Бразилия шомил гардидааст.
© Кумитаи иҷроияи ҲХДТ дар шаҳри Чкалов