Ҷонфидои Ватан23-09-2015, 09:38
Хабарро хонданд: 357 нафар
Назарҳо: 0
 Тарбияи дурусти ҷавонону наврасон вазифаи ҳар як шахси солимақл мебошад, зеро ояндаи ҷамъият бо ҷавонони солимақлу ватандӯсти бо нангу номуси имрӯза сахт вобастагӣ дорад. Кам нест ҷавононе, ки имрӯз барои ҳимояи марзу бум, нангу номуси миллат, Ватан сина сипар намуда, ҷони худро дар хатар монда, ҳимояи Ватанро воло медонанд. Аз ҷумлаи ин ҷавонон Рустам Амакиев мебошад.Рустам Амакиев сардори воҳиди махсуси зидитеррористии «АЛФА»-и Кумитаи давлатии миллии Тоҷикистон, дар набарди зидди амалиёти хиёнаткоронаи гуруҳи Ҳалим Назарзода қаҳрамонона ҳалок гардид. Корномаи ин фарзанди шуҷоъи Ватан барои насли имрӯзу ояндаи миллат мактаби омӯзиш аст. Кумитаи иҷроияи ҲХДТ дар ноҳияи Восеъ тасмим гирифтааст, ки дар ҳамаи муассисаҳои таълимии ноҳия таҳти унвони «Ҷонфидои Ватан» - гӯшаҳои махсуси тарғиботӣ таъсис диҳанд, дар байни ҷавонон оиди корнамоии  Полковник Рустам Амакиев суҳбатҳо баргузор намоянд, инчунин барои гиромидошти ин фарзанди шуҷоъи Ватан ҳар сол мусобиқаҳои варзишӣ-ҳарбӣ дар байни ҷавонон ташкил намуда, мукофоти махсус бо номи «Рустам» таъсис ва ба ғолибон супорида шавад. Номи неки ин ҷавонмарди ҷонфидои Ватан ҷовидон дар қалбҳои насли имрӯзу ояндаи миллат боқӣ хоҳад монд.©Кумитаи иҷроияи ҲХДТ дар в. Хатлон |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
