Мо ватан дорем, ки онро ном Тоҷикистон аст!

Дар мактаби таҳсилоти миёнаи умумии №68-и ноҳияи Исмоили Сомонӣ вохӯрӣ бо хонандагони синфҳои болоӣ доир гардид. Дар вохӯрии мазкур Изатуллои Ҳабибзод, мудири шуъбаи таблиғот ва иттилооти Кумитаи иҷроияи ҲХДТ дар ноҳияи Исмоили Сомонӣ ва Бердиева Наргис иштирок ва суханронӣ намуданд.
Изатуллои Ҳабибзод зимни суханронии хеш зикр кард, ки бо шарофати соҳибистиқлолӣ ва сиёсати пешгирифтаи Президенти кишвар раиси ҲХДТ муҳтарам Эмомалӣ Раҳмон, дар ноҳияи Исмоили Сомонӣ дар ҳамаи соҳаҳо дастовардҳои назаррас ба назар мерасад. Дар ин самт дастовардҳои соҳаи маорифи кишвар низ хеле зиёд аст, ки ин аз он шаҳодат медиҳад, ки аҳли маорифи кишвар нисбати таълиму тарбияи насли наврас бо истифода аз имкониятҳои мавҷуда истифодабурда ҷавононро ба ватандӯстӣ, хештаншиносӣ, эҳтироми арзишҳои миллӣ, расидан ба қадри сарзамини аҷдодӣ тарбият менамоянд.
Хамчунин дар вохӯрӣ оиди гаравиши ҷавонон ба ҳизбу ҳаракатҳои ифротӣ, муноқишаи хонандагони мактабҳо тарзи истифодабарии сомонаҳои иҷтимоӣ ва амалӣ намудани қонуни Ҷумҳурии Тоҷикистон “Дар бораи масъулияти падару модар дар тарбияи фарзанд” таъкидҳо карда шуд.
Таваҷҷуҳи бештар ба пойдории сулҳу субот, оромии ҷомеа ва тарбияи насли наврасу ҷавон зоҳир карда шуд.
Дар фарҷоми вохӯрӣ аз ҳамаи хонандагони мактаб даъват ба амал оварда шуд, ки ба қадри оромии Ватан бирасанд, Ватанро дӯст доранд ба арзишҳои неки миллат арҷ гузоранд ва бо имконияти дар даст дошта технологияи муосирро омӯзанд.
©Шуъбаи таблиғот ва иттилооти КИ ҲХДТ дар ноҳияи Исмоили Сомонӣ