Идомаи корҳои тарғиботӣ

Тибқи нақшаи чорабиниҳои КИ ҲХДТ дар шаҳри Истиқлол бо ҳамкорӣ бо ШВКД-и шаҳр дар маҷлисгоҳи ШВКД ҳамоиш оид ба тарғиботи гиромидошти муқаддасоти миллӣ ва рукнҳои давлатдорӣ, ба қадри сулҳу суббот расидан баргузор гардид. Ҳангоми вохӯрӣ дар бораи пешгирии шомилшавии ҷавонон ба ҳизбу ҳаракатҳои ғайриқонунӣ, ҳадафу мақсадҳои нопоки равандҳои тундрав сухан рафт. Мақсади ҷалби аҳли зиё ва сокинони шаҳр, кормандони корхонаҳову ташкилотҳои шаҳр оид ба пешгирии ҳаракатҳои номатлуб – фаҳмонида додани хатари гурӯҳҳои террористии ғайриқонунӣ ва ҳалал расонидани онҳо ба суботу амнияти ҷомеа аст. Вохӯрии навбатӣ бо иштироки сардори шӯъбаи корҳои дохилии шаҳр оид ба масъалаи мазкур гузаронида шуд. Дар он роҳбарони корхонаҳову ташкилотҳои шаҳр иштирок намуданд. Чорабинии мазкур бо мақсади таъкид сохтани нақши сулҳу оромии имрӯзаи диёр дар таҳкими давлатдории миллӣ ва пешрафти давлату ҷомеа, риояи тартиботи ҷамъиятӣ аз ҷониби ҳар як шаҳрванд ташкил карда шуд.