САФИ АЪЗОИ ҲИЗБ МЕАФЗОЯД22-11-2022, 15:55
Хабарро хонданд: 201 нафар
Назарҳо: 0
 Дар ноҳияи Шаҳринав 30-солагии Иҷлосияи 16-уми Шурои Олии Ҷумҳурии Тоҷикистон дар сатҳи баланд, хотирмон ва фаромӯшнопазир таҷлил шуд. Аз ҷумла бо ибтикори Кумитаи иҷроияи Ҳизби Халқии Демократии Тоҷикистон дар ноҳияи Шаҳринав Конференсияи илмӣ-назариявӣ бахшида ба ин санаи таърихӣ таҳти унвони “30-соли созандагӣ бо Пешвои муаззами миллат” доир гардид. Ҳамчунин, дар тамоми муассисаю ташкилотҳои ҳудуди ноҳия чорабиниҳои гуногун баргузор гашт. Кулли сокинон тариқи оинаи нилгун филмномаҳое, ки кори Иҷлосияи 16-ум ва корнамоиҳои беназири Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмонро таҷассум мекард, тамошо карданд. Баъди тамошои филмномаҳо сокини Ҷамоати деҳоти Шаҳринав Гулбаҳор Қурбоноваи 82-сола ҳамроҳи набераву хешовандонаш ба идораи Кумитаи иҷроияи Ҳизби Халқии Демократии Тоҷикистон дар ноҳияи Шаҳринав омада хоҳиш намуданд, ки онҳоро ба сафи Ҳизби Халқии Демократии Тоҷикистон қабул кунанд. Хоҳиши онҳо қонеъ гардонида шуд. Хушбахтона, теъдоди хоҳишмандон, ки мехоҳанд ба сафи Ҳизби Халқии Демократии Тоҷикистон шомил шаванд, дар ноҳияи Шаҳринав сол то сол меафзояд. Ҳотам РАБИЕВ |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
