Департаменти давлатии ИМА: Надежда Савченко бояд озод шавад7-03-2016, 10:00
Хабарро хонданд: 309 нафар
Назарҳо: 0
 Дар ин бора намояндаи Департаменти давлатии ИМА Ҷон Кирбӣ хабар дод. "Мо ба мавқеи қаблиамон устуворем: вай бояд озод шавад. Ӯро бе далел боздошт кардаанд ва мехоҳем, ки ӯро озод карда ба хонааш фиристанд", - гуфт Кирбӣ. Дар додгоҳи шаҳри Донетски вилояти Ростови Русия то рӯзи 9 март, ки Савченко сухани охиринашро баён хоҳад кард, судя танаффус эълон кардааст. Надежда Савченко дар посух ба танаффуси судя гуруснашинӣ эълон кард. Ҷониби айбдоркунанда барои вай 23 соли зиндон талаб дорад. Савченко гуфт, аз болои ҳукми додгоҳ шикоят нахоҳад кард. Дар матне, ки ҳамчун сухани охирини Савченко дар шабакаҳои иҷтимоӣ нашр шуд, омадааст, ки вай на айбашро, на ҳукми додгоҳро ва на додгоҳи Русияро эътироф намекунад. Надежда Савченкоро дар Русия дар куштори ду корманди телевизиони давлатӣ, ки ғайриқонунӣ марзи Украинаро гузашта буданд, ҳамчунин сӯиқасд ба ҷони гуруҳи ҷудоихоҳон ва убури ғайриқонунии марзи Русия айбдор мекунанд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
