ҲХДТ ДАР ОБОДИЮ ШУКУФОИИ КИШВАР САҲМИ НАЗАРРАС ДОРАД

Н.ХУСРАВ. Бахшида ба таҷлили Рӯзи таъсисёбии Ҳизби Халқии Демократии Тоҷикистон масъулини Кумитаи иҷроияи ҲХДТ дар ноҳияи Носири Хусрав дар якҷоягӣ бо волонтёрони ҳизбӣ бо ҷавонону наврасон ва кормандони ташкилоту муассисаҳои ноҳия ҳамоиши ҳизбӣ дар тололри муассисаи таҳсилоти миёнаи умумии №1-и ноҳия баргузор намуданд.
Масъулини Кумитаи иҷроия зимни баромад қайд намуданд, ки Ҳизби Халқии Демократии Тоҷикистон ҳизби сиёсии даврони истиқлолият, самараи марҳилаи нави бунёди ҷомеаи демократӣ, дар мачмӯъ ҳизби зодаи Истиқлолият мебошад, ки зери роҳбарии Пешвои миллат муҳтарам Эмомалӣ Раҳмон бо Барномаи дурнамои худ ба пешрафти соҳаҳои мухталифи ҷомеаи навини Тоҷикистон нақшии муассир гузошт. ҲХДТ ҳамчун нерӯи фаъоли сиёсии бонуфуз дар байни мардум мақому манзалат ва обрӯи калонро касб намуд.
ҲХДТ бо сохтор ва фаъолияти хоси худ дар миёни ҷомеа бо унвони бонуфузтарин ҳизбӣ сиёсӣ шинохта шудааст. Барнома ва стратегияи давлат дар марҳилаи кунунӣ, меҳвар ва асоси фаъолияти ин ҳизб аст. Имрӯз ба касе пӯшида нест, ки Барномаи Ҳизби Халқии Дмократии Тоҷикистон бо барномаи стратегии Ҳукумати Ҷумҳурии Тоҷикистон тавъаманд.
Инчунин, дигар баромадкунандагон низ дар бораи ин ҳизби пешоҳанги ҷомеа фикру андешаҳои хешро баён дошта, ба ҳамоиши ҳизбӣ хотима бахшида шуд.