САҲМИ БОНУВОН ДАР ТАҲКИМИ ИСТИҚЛОЛИЯТИ ДАВЛАТИИ ҶУМҲУРИИ ТОҶИКИСТОН

КӮЛОБ. Тибқи дастуру супоришҳои Кумитаи Иҷроияи Марказии ҲХДТ бахшида ба 30- солагии Истиқлолияти давлатии Ҷумҳурии Тоҷикистон суҳбату вохӯриҳо таҳти унвони “Саҳми бонувон дар таҳкими Истиқлолияти давлатии Ҷумҳурии Тоҷикистон” дар ташкилоти ибтидоии ҳизбии “Тудакафш” бо иштироки занону бонувони собиқадор, ҷавонондухтарон бо иштироки кормандони масъули ҳизбӣ баргузор карда шуд.
Нахуст, Валиева Саъбагул ба сухан баромада, қайд намуд, ки имрӯзҳо мо дар арафаи 30- солагии Истиқлолияти давлатии Ҷумҳурии Тоҷикистони соҳибистиқлол қарор дорем ва мебинем, ки дар ҳамаи шаҳру ноҳияҳо аллакай даҳаи тантанаҳо бахшида ба ин ҷашни таърихӣ рафта истодааст.
Истиқлолияти давлатии Ҷумҳурии Тоҷикистон яке аз дастовардҳое мебошад, ки дар таърихи тоҷикон аз ҷиҳати сиёсӣ ва маънавӣ мислаш назире надорад.
Дар идомаи суҳбат Мунавараи Бозоралӣ иброз дошт, ки махсусан, барои мо ҷавонон дар замони истиқлолият тамоми шароитҳо муҳайё гардида, ҳатто дар давлатҳои хориҷи мамлакат барои такмил додани донишу малакаи худ ҷавонон таҳсил карда, баргашта ба Тоҷикистони азизи худ хизмат карда истодаанд.
Дар охир иштирокчиён баромад намуда, зикр карданд, ки мо занону бонувон зери сиёсати бохиради Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон кору фаъолият намуда, кӯшиш мекунем, ки ин истиқлолияти, ки бо баҳои хуну ҷон омадарочун гавҳараки чашм ҳифз менамоем.