Иқдомҳои хайриявӣ дар арафаи моҳи шарифи Рамазон

Кумитаи иҷроияи ҲХДТ дар шаҳри Душанбе дар доираи дастуру ҳидоятҳои Асосгузори сулҳу ваҳдати миллӣ - Пешвои миллат, Раиси муаззами ҲХДТ, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ бо ташаббуси Вакили Маҷлиси вакилони халқи шаҳри Душанбе Исмоилзода Нурҷаҳон Ҷамшед ва иштироки Раиси Кумитаи иҷроияи ҲХДТ дар шаҳри Душанбе Мирзозода И. Х., Раиси Кумитаи иҷроияи ҲХДТ дар ноҳияи Сино Файзуллозода З. ба 60 нафар шахсони ниёзманд, ятимон, маъюбу бепарастори минтақаҳои №71,72 ва 70 - солагии Душанбеи ноҳияи Сино маводҳои антисептикӣ, ниқобҳои муҳофизаткунанда ва маводҳои ғизоӣ, аз қабили орд, равған, картошка, пиёз, биринҷ ва шакар расонида шуд.
Чунин иқдомҳои хайриявӣ дар арафаи моҳи шарифи Рамазон аз тарафи шахсони саховатпеша ва соҳибкорони ватанӣ дар шаҳраку маҳаллаҳои пойтахт идома дорад.
Зимнан ёдовар мешавем, ки дар ин асно масъулин оид ба корҳои созандагӣ, тозагию ободонӣ, вусъатбахшии раванди корҳои баҳорӣ дар пойтахт ва пешгирӣ аз пайдоиш ва густариши бемориҳои сироятӣ суханронӣ намуданд.