Вазъи фавқулода дар Қазоқистон то 1 май тамдид шуд15-04-2020, 13:28
Хабарро хонданд: 224 нафар
Назарҳо: 0
 Вазъи фавқулодае, ки ба иллати коронавирус дар Қазоқистон ҷорӣ гашта буд, то субҳи 1 май тамдид шуд. Дар ин бора президенти Қазоқистон 14 апрел фармонеро содир кард.Ҳолати изтирорӣ дар Қазоқистон 16 март эълом шуда, бояд субҳи 15 апрел ба поён мерасид. Ду шаҳри бузургтарини Қазоқистон - Алмато ва Нурсултион 19 март карантин шуданд. Дертар дар шаҳрҳои дигари Қазоқистон низ карантин эълом гашт. Дар пайи эъломи ҳолати фавқулода ва карантин кардани баъзе аз шаҳрҳо вазъи иқтисодии сокинон дар Қазоқистон бад шуд. Дар натиҷа мақомот ваъда доданд, ба ҳар шаҳрванде, ки дар пайи паҳн шудани коронавирус ҷои кор ва тиҷораташро аз даст додааст, 95 доллар кумакпулӣ хоҳанд дод. Дар баъзе аз шаҳрҳои Қазоқистон навбатпоии тӯлонӣ ва ҷанҷоли сокинон барои дарёфти ин кумак мушоҳида мешавад. Дар Қазоқистон дар як рӯзи охир 33 ҳолати нави мубталошавӣ ба коронавирус ошкор шуда, шумори умумии беморон ба 1232 расид. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
