DataLife Engine > Дар мади назар, Точикистон > ИНТИХОБОТ-2020. Дар 30 давлат 39 участкаи интихобот оид ба интихоботи вакилони Маҷлиси намояндагон ташкил карда мешаванд

ИНТИХОБОТ-2020. Дар 30 давлат 39 участкаи интихобот оид ба интихоботи вакилони Маҷлиси намояндагон ташкил карда мешаванд


17-01-2020, 10:11. Разместил: orifi ИНТИХОБОТ-2020. Дар 30 давлат 39 участкаи интихобот оид ба интихоботи вакилони Маҷлиси намояндагон ташкил карда мешаванд
Бо мақсади иҷрои талаботи қонунгузории интихоботии Ҷумҳурии Тоҷикистон аз ҷониби Комиссияи марказии интихобот ва раъйпурсии /КМИР/ Ҷумҳурии Тоҷикистон дар хориҷи мамлакат, дар 30 давлати ҷаҳон 39 участкаи интихобот оид ба интихоботи вакилони Маҷлиси намояндагони Маҷлиси Олии Ҷумҳурии Тоҷикистон ташкил карда мешаванд. Дар ин бора имрӯз зимни ҷаласаи навбатии КМИР қарори дахлдор қабул гардид.

Тавре хабарнигори АМИТ «Ховар» иттилоъ медиҳад, ҷаласаи навбатии КМИР имрӯз, 16 январ таҳти роҳбарии Раиси Комиссия Бахтиёр Худоёрзода доир гардид, ки дар он шаш масъалаи вобаста ба интихоботи даъвати нави вакилон ба Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ, ки бо Фармони Президенти Ҷумҳурии Тоҷикистон аз 4 декабри соли 2019 ба рӯзи 1 марти соли 2020 таъйин гардидааст, баррасӣ шуданд.

Аз ҷумла, ташкили гурӯҳи кории Комиссия оид ба қабул ва таъмини фаъолияти мушоҳидони байналмилалӣ дар давраи омодагӣ ва баргузории интихоботи вакилон ба Маҷлиси намояндагони Маҷлиси Олии Ҷумҳурии Тоҷикистон, ташкили участкаҳои интихоботӣ дар назди сафоратхонаҳо ва консулгариҳои Ҷумҳурии Тоҷикистон дар давлатҳои хориҷӣ, тасдиқи ду «Роҳнамо» барои комиссияҳои ҳавзавӣ ва волонтёрон ва дигар масъалаҳои рӯзномаи ҷаласа қабул гардиданд.
Вернуться назад