Конференсияи илмӣ – назариявӣ таҳти унвони «Ҳунар ва ҳунарварӣ дар мисоли Чакан»

Дар заминаи ба феҳристи мероси фарҳанги ғайримоддии ЮНЕСКО ворид гардидани либоси чакани тоҷик, Кумитаи иҷроияи ҲХДТ дар шаҳри Душанбе Конференсияи илмӣ - назариявӣ таҳти унвони «Ҳунар ва ҳунарварӣ дар мисоли Чакан»-ро доир намуд.
Дар кори он Бобоҷониён Раънохон Маҳмудзода-Муовини Раиси ҲХДТ, Раҳмонзода Зоир Файзалӣ - Раиси Кумитаи иҷроияи ҲХДТ дар шаҳри Душанбе, Гавҳар Шарофзода-Раиси Кумитаи забон ва истилоҳоти назди Ҳукумати Ҷумҳурии Тоҷикистон, Буттаева Зулфия-котиби масъули Ҷумҳурии Тоҷикистон оид ба корҳои ЮНЕСКО, Давлатзода Зулфия - Муовини Раиси Кумитаи кор бо занон ва оилаи назди Ҳукумати Ҷумҳурии Тоҷикистон, Қаюмова Мукаррама - Роҳбари Ассотсиятсияи ҳунармандони Осиёи Миёна, Киромова Мавлуда- Муовини Сардори Раёсати саноати сабук ва пиллаи Вазорати саноат ва техноголияи нави Ҷумҳурии Тоҷикистон, Дилшод Раҳимӣ - Муовини директори Пажуишгоҳи илмӣ-тадқиқотии фарҳанг ва иттилоти Вазорати фарҳанги Ҷумҳурии Тоҷикистон, Назарзода Ҷамолиддин - Муовини Директори муассисаи давлатии Маркази таълимӣ-методӣ ва маниторинги сифати таълими Вазорати меҳнат, муоҷират ва шуғли аҳолии Ҷумҳурии Тоҷикистон, намоянда аз Мақомоти иҷроияи ҳокимияти давлатӣ дар шаҳри Душанбе, аъзои Кумитаи иҷроияи шаҳрии ҳизб ва кормандони сохторҳои ҳизбии пойтахт иштирок намуданд.
Пеш аз оғози конференсия намоиши либоси чакани тоҷик ба маръази тамошобинон гузошта шуд.
Нахуст, Раҳмонзода З.Ф. иштирокчиёнро ба феҳристи мероси фарҳангии ғайримоддии ЮНЕСКО ворид гардидани Чакан табрику шодбош намуд. Сипас, қайд кард, ки яке аз дастоварди хубе, ки дар соли 2018 насиби миллати тоҷик гашт, ин ҳам бошад, аз ҷониби Идораи илму фарҳанги Созмони Милали Муттаҳид – ЮНЕСКО ба рӯйхати мероси фарҳангии ғайримоддӣ шомил гардидани “Чакан” мебошад, ки барои тоҷикистониён як дастоварди муҳим ба шумор меравал.
Бобоҷониён Раънохон Маҳмудзода зимни баромади хеш қайд карданд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар Паёми имсолаи худ солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» эълон карданд. Дар саҳифаҳои таърихи башар номи ҳар халқу миллат тавассути илму фарҳанг ва санъату ҳунари воломақомаш сароғоз мешавад. Дорои таъриху маданият, санъату адабиёт ва ҳунарҳои қадимаву созанда будани халқи точиқ ба оламиён маълум аст.
Ҳамин тариқ, дар конференсия маърўзаҳо дар мавзӯъҳои «Ба феҳристи мероси фарҳанги ғайримоддии ЮНЕСКО ворид гардидани Чакан», «Имкониятҳо, мушкилотҳо дар рушду нумуи ҳунари гулдузӣ аз қабили Чакан», «Арзишҳои миллӣ ва рушду нумуи ҳунари гулдўзӣ дар мисоли либоси миллии Чакан», «Таъмин намудани косибон бо ашёи хом, дастгириҳо (дар ҷодаи ришта, рангҳо, матоъ…)», «Дифои анъана, маросим ва урфу одоби чакандўзӣ», «Ҳамкорӣ бо косибони касбӣ, касбомўзӣ, ба талабот ва стандартҳои ҷаҳонӣ ҷавобгў будани касб» шунида шуд.
Дар музокира Гавҳар Шарофзода-Раиси Кумитаи забон ва истилоҳоти назди Ҳукумати Ҷумҳурии Тоҷикистон, Идиев Хайриддин -Ректори Донишкадаи давлатии фарҳанг ва санъати Тоҷикистон ба номи Мирзо Турсунзода, Одинаева Моҳтоб – Сармутахассиси Раёсати соҳаи иҷтимоии Вазорати рушди иқтисод ва савдои Ҷумҳурии Тоҷикистон ва дигарон фикру мулоҳизаҳои худро иброз доштанд.