DataLife Engine > Чахон > Изҳороти Бонки марказии Туркия баъд аз беқурбшавии лира

Изҳороти Бонки марказии Туркия баъд аз беқурбшавии лира


14-08-2018, 08:27. Разместил: admin
Изҳороти Бонки марказии Туркия баъд аз беқурбшавии лира
Бонки марказии Туркия дар пайи поинравии қурби пули миллии ин кишвар 13 август гуфт, омодааст, барои таъмини суботи молӣ "тамоми чораҳои лозимӣ"-ро биандешад.

Ин ниҳод дар изҳороти худ ваъда додааст, ки бонкҳоро бо нақдина таъмин хоҳад кард. Изҳороти Бонки марказии Туркия баъд аз он нашр шуд, ки вазири молияи ин кишвар Барот Албайрак гуфт, ҳукумат барои коҳиши ташаннуҷ дар бозорҳо нақшаеро таҳия кардааст.

Қурби лираи туркӣ 13 август дар пасманзари афзоиши нигарониҳо аз буҳрони иқтисодии эҳтимолӣ дар Туркия ва бад шудани муносибатҳои ин кишвар бо ИМА то ба сатҳи рекордӣ поин рафт.

Президенти ИМА Доналд Трамп гуфт, иҷозат дод, то тарифҳои боҷи воридотии фулод ва алюминийи Туркияро ду баробар боло баранд, ки дар натиҷа ин беқурбшавии лирао тезонд. Туркия ҳушдор дод, ки чораҳои ҷавобӣ хоҳад андешид.

Туркия ва ИМА, ду узви НАТО дар робита ба як қатор масоил, аз ҷумла нақшаи Остона барои харидории низоми зиддимушакии Русия назарҳои гуногун доранд. Чанде пеш Трамп аз Туркия хост, руҳонии амрикоӣ Эндрю Брансони гумонбар ба терроризмро озод кунад.
Вернуться назад