ҶАВОНОН ОЯНДАСОЗИ МИЛЛАТАНД

ХАТЛОН. Бо иштироки мудири шуъбаи кор бо занони Кумитаи иҷроияи ҲХДТ ва намояндагии ТҶҶ "Созандагони Ватан" дар ноҳияи Вахш бо донишҷӯёни Колеҷи тиббии ноҳия оид ба самтҳои афзалиятноки фаъолияти ҲХДТ, тақивият бахшидан робита бо маҳал ва аз ҳисоби шахсони обрӯманд афзоиш додани сафи аъзои ҲХДТ вохӯрӣ доир гардид.

Зимни суханронӣ мавсуф самтҳои афзалиятноки фаъолияти ҳизбиро мавриди баррасӣ қарор дода, зикр кард, ки мо ҷавонон бояд шукргузор аз он бошем, ки давлати тинҷу ором дорем ва барои ҷавонон тамоми шароитҳои замонавӣ дар кишварамон муҳайё гардидааст.

Пешвои миллат, Раиси муаззами ҲХДТ муҳтарам Эмомалӣ Раҳмон пайваста ба ҷавонон такя карда, таъкид кардаанд, ки ҷавонон ояндаи миллатанд ва моро месазад, ки пайваста илм омӯзему сазовори боварии Сарвари давлат бошем.
Мутаасифона, бархе аз ҷавонон, ки саводи кофӣ надоранд, фирефтаи гуруӯҳҳои ифротӣ шуда, худро ба доми марг меандозанд.

Пас чӣ гуна мо умед дошта бошем, ки чунин ҷавонон Ватанамонро обод мекунанд. Ватандӯстии ҳар як ҷавон аз он шаҳодат медиҳад, ки ҳамеша дар фикри ободии Ватан асту пайваста талош мекунад, ки илм омӯхта, ба Ватани хеш хизмат кунад.