Ҷамъбасти мусобиқа оид ба волейбол байни бонувон барои Ҷоми КИ ҲХДТ

ИСФАРА. Бахшида ба 26-умин солгарди Истиқлолияи давлатии Ҷумҳурии Тоҷикистон бо ташаббуси кумитаи иҷроияи шаҳрии Ҳизби халқии демократи Тоҷикистон дар ҳамбастагӣ бо мақомоти иҷроияи ҳокимияти давлатӣ, бахши ҷавонон ва варзиши шаҳри Исфара дар доираи Аксияи ТҶҶ “Созандагони Ватан” таҳти унвони “Пешвои миллат – ҳомӣ ва раҳнамои ҷавонон” мусобиқаи варзишии волейбол байни бонувон барои дарёфти Ҷоми кумитаи иҷроияи Ҳизби Халқии Демократии Тоҷикистон дар шаҳри Исфара аз 7-12-уми сентябри соли равон баргузор гардид. Дар мусобиқа 8 дастаи волейболбоздухтарон ширкат варзида ба давраи ниҳоии нимфинал дастаҳои беморхонаи маркази шаҳр, коллеҷи тиббӣ, МТМУ №12 ва МТМУ №54 роҳхат гирифтанд. Дастаҳои МТМУ №12 ва МТМУ №54 дар давраи финали қувваозмои намуданд. Дастаи волейболбоздухарони МТМУ №12 соҳиби Ҷоми КИ ҲХДТ дар шаҳри Исфара оид ба волейбол байни бонувон дар доираи Аксияи ТҶҶ “Созандагони Ватан” таҳти унивони “Пешвои миллат – ҳомӣ ва раҳнамои ҷавонон” гардид. Ҳамзамон дастаи МТМУ №54 бо диплом ва медалҳои дараҷаи 2, дастаи беморхонам марказии шаҳр бо дипломи дараҷаи 3 созовор гардиданд, ки дар вазъияти тантанави аз ҷониби муовини раиси КИ ҲХДТ дар шаҳри Исфара Ахмедов О. ва раиси шӯрои занони КИ ҲХДТ дар шаҳри Исфара Алиматова М. ба онҳо супорида шуд. Инчунин ба бозингарони беҳтарин ва сардовари мусобиқа бо ифтихорнома, сипоснома ва туҳфаҳои хотиравӣ қадршиносӣ карда шуданд.