Мусобиқаи варзишии волейбол дар байни донишҷӯёни муассисаҳои касбии ноҳия

Дар асоси нақшаи кории бахши ҷавонони КИ ҲХДТ дар ноҳияи Мастчоҳ оид ба сазовор истиқбол гирифтани Рӯзи ҷавонони Тоҷикистон ва «Ҳафтаи варзишу саломатӣ», ки аз ҷониби бахши ноҳиявии ТҶҶ «Созандагони Ватан» эълон шуд, дар ҳамдастӣ бо шуъбаи ҷавонон, варзиш ва сайёҳии ноҳия дар толори варзишии Литсеи касбии саноати кишоварзӣ мусобиқаи кушоди варзишӣ аз рӯи намуди воллейбол баргузор гардид, ки дар он донишҷӯёни ҳамаи муассисаҳои касбии ноҳия иштирок доштанд. Нахуст сардовари мусобиқа, Устоди варзиши Ҷумҳурии Тоҷикистон Сафармаҳмад Иноятов дар бораи омодагии дастаҳои литсею коллеҷҳои ноҳия ба мусобиқа маълумот дод. Раиси КИ ҲХДТ Дилшод Зокиров мусобиқаро ифтитоҳ карда, иттилоъ дод, ки ин чорабинӣ ба муносибати Рӯзи ҷавонони Тоҷикистон ва эълон гардидани соли 2016 чун Соли фарди солим баргузор мегардад. Сипас аз ҷониби иштирокчиёни мусобиқа Суруди миллии Ҷумҳурии Тоҷикистон ба таври зинда садо дод. Бозӣ дар байни 4 даста аз коллеҷҳои омӯзгорӣ, кишоварзӣ, тиббӣ ва Литсеи касбии саноати кишоварзӣ хеле тезу тунд ва шавқовар ҷараён гирифт.

Донишҷӯёни дастаи МТД Коллеҷи кишоварзии Мастчоҳ бо ба даст овардани холҳои бештар сазовори ҷойи аввал гардиданд. Дастаҳои Литсеи касбии саноати кишоварзӣ ва МТД Коллеҷи омӯзгорӣ мутаносибан соҳиби ҷойҳои дуюму сеюм шуданд. Ғолибон бо Диплому мукофтоҳои КИ ҲХДТ, бахши ноҳиявии ТҶҶ «Созандагони Ватан» ва шуъбаи ҷавонон, варзиш ва сайёҳии ноҳия қадрдонӣ гардиданд. Дастаи МТД Коллеҷи тиббии ноҳия низ барои иштироки фаъолона бо туҳфаи хотиравӣ қадр карда шуд.