Шанбегӣ

Мусаллам аст, ки рисолати ҳар як инсон ин пеш аз ҳама дар баробари кору пайкораш ва ободкорию созандагӣ мебошад. Зеро манзалат ва қадри инсон дар меҳнати содиқона нисбат ба муҳити атроф ва баҳри ободии Ватани хеш ифода мегардад.
Дар ин замина тибқи дастуру супоришҳои Кумитаи иҷроияи Ҳизби Халқии Демокртаии Тоҷикистон дар шаҳри Душанбе, кормандони Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе субҳи барвақт баҳри ободу зебо гардонидани атрофи муассиса ва утоқҳои кории Кумитаи иҷроия ба шанбегии дастаҷамъона баромаданд.
Кормандони Кумитаи иҷроияи Ҳизби Халқии Демокртаии Тоҷикистон дар шаҳри Душанбе дар якҷоягӣ бо намояндагии Ташкилоти ҷамъиятии ҷавонон “Созандагони Ватан” ва фаъолону собиқадорони ҳизб ҳамеша баҳри ободии гушаю канори пойтахти кишвар – шаҳри Душанбе, дар тақвияти ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон саъю талош намуда, минбаъд чунин чорабиниҳоро идома хоҳанд дод.


Мудири шӯъбаи таблиғот ва иттилооти Кумитаи
иҷроияи ҲХДТ дар ноҳияи Сино
А.Муминов