Пайравони Пешвои миллатем

Панҷ. Хурсандибахш аст, ки дар Паёми навбатиаш Президенти мамлакат, Пешвои миллат, муҳтарам Эмомалӣ Раҳмон соли 2017-ро дар Ҷумҳурии Тоҷикистон соли ҷавонон эълон кардааст.
9 феврали соли равон бо ташаббуси фаъолони ҲХДТ, намояндагони ҷавонони ноҳияи Панҷ дар маркази ноҳия аксияи ҷавонон таҳти унвони «Пайравони Пешвои миллатем» баргузор гардид.
Дар ибтидои ин ҷамъомад узви КИ ҲХДТ дар ноҳия, раиси ноҳия муҳтарам К.Сайфутдинзода боварии хешро нисбат ба насли бунёдкору созандаи ҷавон изҳор намуда, махсусан бо ҷавонони пешқадам, аз ҷумла гирандагони идрорпулии президентӣ ва раиси ноҳия сӯҳбати хосае анҷом дод.
Баъдан садҳо нафар ҷавонон парчаму аксҳои Президенти ҷумҳурии соҳибистиқлоламон дар даст, бо шиору овезаҳои «Мо пайравони Пешвои миллатем!», «Аз сиёсати дурандешонаи Сарвари кишварамон ҷонибдорӣ менамоем», «Мо бо Пешвои миллатем!», «Баҳри рушди иқтисодиёту иҷтимоиёти Ватан ҷаҳду талош меварзем!, «Ҷавонон пачамбардорони меҳананд!» ва монанди инҳо ба кӯчаи марказӣ баромада, як ҳамоиши хубу дилнишине доир карданд

КИ ХХДТ дар нохияи Панч