Вохӯрӣ бо омӯзгорони ҷавон

Бо ташаббуси мақомоти иҷроияи маҳаллии ҳокимияти давлатии шаҳри Ваҳдат ва бо дастгирии раиси кумитаи иҷроияи шаҳрии Ҳизби Халқии Демократии Тоҷикистон вохӯрии омӯзгорони ҷавон бо намояндагони мақомоти шаҳр, аз ҷумла муовини раиси шаҳр Ф. Хоҷазода, раиси кумитаи иҷроияи ҲХДТ дар шаҳри Ваҳдат Р.Раҳматзода, сардори раёсати маорифи шаҳр Х.Тураев ва раиси ҷамоати деҳоти Гулистон В.Сангимуродов тибқи дастуру супоришҳои Пешвои миллат бахшида ба «Соли ҷавонон» баргузор гардид.
Чорабиниро сардори раёсати маориф Х.Тураев ифтитоҳ намуд. Зимни суханронӣ раиси КИ ҲХДТ дар шаҳри Ваҳдат Р.Раҳматзода таваҷҷуҳи ҳозиринро ба пешгирии шомилшавии ҷавонон ба ҳар гуна гурӯҳҳои инфротӣ, истифодаи сарфакоронаи барқ, кабудизоргардонии диёр ҷалб намуд.
Баъдан ғолибони озмуни пешниҳод намудаи КИ ҲХДТ дар шаҳри Ваҳдат оид ба «Муаллими сол- 2016» ҷоизаҳо тақдим гардид. Омӯзгори МТМУ №10 Идибек Мирзораҳимов ба унвони «Муаллими сол» ва мураббияи ширхоргоҳ – кӯдакистони №9 Ҷаҳонгул Қулова «Мураббии сол- 2016» эълон гардида, бо мукофотпулии таъсисдодаи КИ ҲХДТ дар шаҳри Ваҳдат сарфароз гардонда шуданд. Мукофотҳоро муовини раиси шаҳр Ф. Хоҷазода ва раиси КИ ҲХДТ дар шаҳри Ваҳдат Р. Раҳматзода тақдим намуданд.