Баргузории маҷлиси ҷамъбастии нимсола

Дар Қасри фарҳанги ноҳияи Айнӣ маҷлиси ҷамъбасти фаъолияти нимсолаи КИ ҲХДТ дар н. Айнӣ баргузор гардид. Дар маҷлис муовини раиси КИ ҲХДТ дар вилояти Суғд Ҷалилов Анвар Расулович ва Роҳбари дастгоҳи КИ ҲХДТ дар вилояти Суғд Зоҳидзода Фаррух Абдуқодир иштирок намуданд. Аз рӯи масъалаи якуми рӯзнома Раиси КИ ҲХДТ дар ноҳияи Айнӣ Қобилзода Абдуғанӣ Абдуҳамид оид ба фаъолияти кумитаи иҷроия ва ташкилотҳои ибтидоӣ дар нимсолаи аввали соли равон маълумот дод. Аз рӯйи масъалаи якуми рӯзнома собиқадори ҳизб Хокироев Абдушукур ва раиси ташкилоти ибтидоии Рарз Ҳамдамов Мирзо баромад намуданд. Тибқи масъалаи дуюми рӯзнома Нақшаи кории КИ ҲХДТ дар н. Айнӣ барои нимсолаи дуюми соли равон тасдиқ карда шуд. Баъдан аъзоёни Раёсат ва комиҷроия ва ҳамзамон аъзоёни комисияи тафтишотӣ аз нав интихоб карда шуданд. Сипас, муовини Раиси КИ ҲХДТ дар вилояти Суғд Ҷалилов Анвар Расулович баромад намуда, ба фаъолияти комиҷроияи ноҳиявӣ баҳои хуб дода, қайд намуд, ки ҳизбиёни ноҳия бо фаъолияти назаррас рисолати созандаи ҲХДТ-ро дар амал татбиқ мекунанд. Ба ҳизбиёни ноҳияи Айнӣ баҳри татбиқи сиёсати бунёдкоронаи Пешвои миллат, Президенти кишвар, Раиси муаззами ҳизбамон мӯҳтарам Эмомалӣ Раҳмон муваффақиятҳои беназир орзу намуд.

Дар охир ба ташкилотҳои беҳтарин Сипосномаи Раиси КИ ҲХДТ дар вилояти Суғд супорида шуд ва ба 19-нафар аъзоёни тозаинтихоб билетҳои ҳизбӣ супорида шуд. Пас аз маҷлиси ҷамъбастӣ намояндагони Комиҷроияи вилоятӣ баъзе аз ташкилотҳои ибтидоиро дидан намуданд. Ҳамзамон доир ба Обуна ба нашрияҳои ҳизбӣ “Минбари Халқ” ва “ Сухани Халқ” бо аъзоёни ситоди “Обуна-2017” бо иштироки намояндагони вилоят вохӯрӣ гузаронида шуд.