Мо бонувони хушбахтем

Бо мақсади таҳкими арзишҳои маънавию фарҳангӣ ва дар ниҳоди наврасону ҷавонон парваридани ҳисси масъулиятшиносӣ, ватандӯстӣ, ташаккул додани муносибати фаъоли шаҳрвандӣ, ҳифз ва пойдории расму анъанаҳои пешқадами миллӣ, бахшида ба 25-умин солгарди Истиқлолияти давлатии Ҷумҳурии Тоҷикистон, Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур озмуни “Келини беҳтарин” ва “Оилаи беҳтарин”-ро дар миёни истиқоматкунандагони шаҳраку маҳаллаҳои ноҳияи Шоҳмансур бо иштироки аъзои комиссия аз қабили Зуҳурова З., мудири шуъбаи кор бо занон ва ҷавонони Кумитаи иҷроияи ҲХДТ дар шаҳри Душанбе, Рузиева Ҳ.И., роҳбари Дастгоҳи Кумитаи иҷроияи ҲХДТ дар ноҳияи Шоҳмансур, Қадамова С., мудири шуъбаи кор бо занон ва ҷавонони Кумитаи иҷроияи ҲХДТ дар ноҳияи Шоҳмансур, Қурбонова Ш., муовини раиси Кумитаи иҷроияи ибтидоии ҳизбии “Хирадмандон”, Рустамова С., корманди Кумитаи кор бо занон ва оилаи назди Ҳукумати Ҷумҳурии Тоҷикистон баргузор намуда истодааст.

Бояд зикр кард, ки ғолибони озмун дар маҷлиси тантанавӣ бахшида ба 25-умин солгарди Истиқлолияти давлатии Ҷумҳурии Тоҷикистон бо Ифтихорномаю мукофотҳои пулӣ сарфароз гардонида мешаванд.
Кумитаи иҷроияи ҲХДТ дар ноҳияи Шоҳмансур минбаъд ҳам баҳри боло бурдани маърифати зиндагии оилаҳои ҷавон чунин озмунҳоро баргузор хоҳад кард.