Чорабиниҳои фарҳангӣ ба ифтихори таҷлили “Рӯзи забон”

Дар шаҳри Қӯрғонтеппа ба муносибати Рӯзи забони давлатии Ҷумҳурии Тоҷикистон дар муассисаву корхонаҳо, донишгоҳу коллеҷҳо ва муассисаҳои таҳсилоти миёнаи умумӣ чорабиниҳои фарҳангӣ, вохӯрӣ бо устодон ва олимону шоирон баргузор гаштанд. Ҷамъбасти чорабиниҳои мазкур дар толори мақомоти иҷроияи шаҳр ва чорабинии фарҳангӣ дар толори тобистонаи Боғи фароғатии шаҳр ба номи Р.Мурчаев ҷамъбаст гардид.
Ба муносибати ин рӯз, раиси шаҳри Қӯрғонтеппа Амирулло Асадулло ҳозиринро ба ин рӯз табрик намуда, барояшон саломатӣ, бахту иқбол ва рӯзгори осуда орзу намуд. Ҳамчунин, зимни баромади худ, аз суханони Президенти Ҷумҳурии Тоҷикистон Ҷаноби Олӣ, муҳтарам Эмомалӣ Раҳмон ёдовар шуда, қайд кард, ки “Забон асоси ҳастӣ ва бақои умри миллат аст”. Ва бо суханҳои зерин баромади хешро ба итмом расонид: “Ифтихори миллӣ ба ватану ватандорӣ аз волоияти мақоми забон ва поку бегазанд нигоҳ доштани он вобастагӣ дорад.”.
Дар охири чорабинӣ ба собиқадорони соҳа ва устодоне, ки дар бахши таълими насли наврас ба нишондодҳои баланд ноил гаштаанд, аз тарафи раиси шаҳр, аъзои Кумитаи иҷроияи ҲХДТ дар вилояти Хатлон туҳфаҳои хотиравӣ супорида шуданд.
©Кумитаи иҷроияи ҲХДТ дар в.Хатлон