DataLife Engine > Чорабинихои ХХДТ > Мароми мо бунёди ҷомеаи адолатпарвар

Мароми мо бунёди ҷомеаи адолатпарвар


7-04-2016, 14:10. Разместил: jkormand
Мароми мо бунёди ҷомеаи адолатпарвар
Дар Муассисаи Рекламаи берунӣ ва ороиши шаҳри Душанбе маҷлиси таъсиси ташкилоти ибтидоӣ гузаронида шуд, ки дар он муовини раис-мудири шуъбаи ташкилии Кумитаи иҷроияи ҲХДТ дар ноҳияи Шоҳмансур Гулаҳмадов З.А., мутахассиси шуъбаи кор бо занон ва ҷавонони Кумитаи иҷроияи ҲХДТ дар ноҳияи Шоҳмансур Бурҳонзода М.Т., роҳбари муассисаи мазкур Наврӯз Юнусов ва кормандони ин муассиса ширкат доштанд.

Сараввал роҳбари муассиса Наврӯз Юнусов намояндагони кумитаи иҷроияи ҲХДТ ноҳияи Шоҳмансурро хайрамақдам гуфта қайд карданд, ки Ҳизби Халқии Демократии Тоҷикистон дар шароити кунунӣ, яке аз ҳизбҳои пешсафи ҷомеаи имрӯза буда, дар пешрафту тараққиёти мамлакат саҳми назаррас гузошта истодааст.

Ҳамзамон муовини раиси КИ ҲХДТ дар ноҳияи Шоҳмансур Гулаҳмадов З.А. оид ба мақсаду мароми ҲХДТ дар ҷомеа суханронӣ намуда, қайд кард, ки мутобиқи моддаи 3 зербанди 3.2-и Оинномаи ҲХДТ ташкилоти ибтидоии ҳизбӣ дар ҳолати мавҷуд будани 5 нафар узви ҳизб ва зиёда аз он ташкил карда мешавад.

Инчунин ташкилоти ибтидоии ҳизбӣ “Ороишгар” номгузорӣ карда шуд. Раиси он Юнусов Наврӯз ва муовини раис Талабов Шарофиддин интихоб шуданд.

Дар фарҷоми ҷаласа ба 9 нафар кормандоне, ки тоза ба сафи ҳизб шомил гаштанд шаҳодатномаҳои ҳизбӣ супорида шуд.

Муродов Ҷурабек, мудири шуъбаи таблиғот ва иттилооти КИ ҲХДТ дар ноҳияи Шоҳмансур

Вернуться назад