Гарави хушбахтии оила дар самимият ва меҳрубонист

Кумитаи иҷроияи Ҳизби Халқии Демократии Тоҷикистон дар ноҳияи Носири Хусрав бо мақсади амалӣ намудани дастуру супоришҳои роҳбарияти болои ҳизб, санаи 10-уми май бахшида ба Рӯзи байналмилалии оила бо иштироки кормандони САҲШ-и ноҳия, кормандони сохтори тандурустӣ, бонувони собиқадор, ҷавондухтарон, мизи мудаввар таҳти унвонии «Гарави хушбахтии оила дар самимият ва меҳрубонист» дар ташкилоти ибтидоии Олтинсой баргузор намуд.

Мизи мудавварро раиси Кумитаи иҷроия Ализода С.Ҷ. ифтитоҳ намуда қайд кард, ки давлату Ҳукумати Ҷумҳурии Тоҷикистон оиларо ҳамчун асосӣ ҷамъият ҳимоя менамояд. Дар ин як замина қатор стратегияю барномаҳои давлатӣ дар самти сиёсати фаъолияти иҷтимоии занон ва оила қабул гардида, барои занону духтарон имкониятҳои васеъ фароҳам оварда шуданд. Пойдории оила, мустаҳкаму побарҷо будани он яке аз ҳадафҳои давлату Ҳукумат ба шумор меравад.

Аз ҳар як насли ҷавон бахусус модарон даъват ба амал оварда мешавад, ки дар тарбияи фарзандон масъулиятшинос бошанд, фарзандонро ба ҳаёти мустақилона омода карда, онҳоро бо роҳи дурусти зиндагӣ ҳидоят намоянд. Расму ойин, анъанаву суннатҳои миллиамонро ҳифз ва барои пос доштани оила ҳамарӯза талош варзанд, зеро «Гарави хушбахтии оила дар самимият ва меҳрубонист».