Таҳдиду боздошти хабарнигорони тоҷику ҳазора аз сӯи Толибон ба далели мансубияти қавмӣ

Дар ҳоле ки нигарониҳо аз баста шудани теъдоди зиёди расонаҳо дар Афғонистон афзоиш ёфтааст, рӯзноманигорон низ аз афзоиши таҳдидҳо, боздошт ва шиканҷаи хабарнигорон аз сӯи Толибон изҳори нигаронӣ кардаанд.

Радиои «Овози тоҷик» ба нақл аз Ассошиэйтед Пресс гузориш медиҳад, ки фазои кори расонаҳо дар Афғонистон хатарнок шудааст ва рӯзноманигорон рӯзноманигориро фишоровар хондаанд.

Шуморе аз хабарнигорон ба хабаргузории хабарӣ гуфтаанд, ки онҳо вазифадор ҳастанд, ки ҳангоми навиштани гузориш принсипҳо ва қоидаҳои муқарраркардаи Толибонро дар назар дошта бошанд. Дар баъзе мавридҳо ин қонунҳо ҳатто боиси лағви гузоришҳои ҷиддӣ ва мустақил шудаанд.

Аммо теъдоде аз рӯзноманигорон ва кормандони расонаҳо гуфтаанд, ки аз кори журналистиашон дида аз мансубияти қавмияшон бештар аз сӯи Толибон таҳдид мешаванд. Файсал Мударрис, як рӯзноманигор ва ютубер ахиран аз сӯи Толибон боздошт шуд. Ба гуфтаи ӯ, ҳашт рӯзро дар зиндони Толибон сипарӣ кардву мавриди шиканҷа ва таҳдиди онҳо қарор гирифтааст.

Мударрис, ки аз вилояти Панҷшер аст, мегӯяд, ки на аз рӯзноманигор буданаш, балки аз тоҷик будан ва қавмияташ ҳамчун панҷшерӣ дар ҳарос аст.