Тағоймурод Орифӣ: Сияҳпушони ранголуд

Сияҳпушони ранголуд,
Ба ранги худ раҳи умеди моро тира месозед,
Ду чашми рушани дунёи моро хира месозед,
Сад афсӯс бо садои дилбариву хандареши худ,
Касе овора месозед, варо бечора месозед.

Сияхпушони ранголуд,
Чу ашки шаб шумо афсунгари дунëи фониед,
Ба зоҳир ҳамчу моҳу пуртаққалуб ёри ҷониед,
Шумо ҷохилу гумроҳед, чу ақраб зери ҳар чоҳед,
Ба рохи номуроди сад дилеро пора месозед.

Сияҳпушони ранголуд.
Ба шаҳри мо набуд ин ҷурӣ рангинӣ,
Даруни синаи ошиқкушон ин қадр сангинӣ,
Шумо бар қалби покон кардаед пайдо бадкинӣ,
Кунун дар мулки танҳоӣ ҳама овора месозед.

Сияҳпушони ранголуд,
Бас аст афсона гуфтанҳо,ба роҳи дида хуфтанҳо,
Ба роҳи рафтаи мо айб ҷустанҳо,
Чу зарпече ба саҳрои дили мо боз рустанҳо,
Зи баъди ишки мармузӣ, худоро зора месозед.