Идомаи корҳои хайр

Дар комиссариати ҳарбии ноҳия Ғончӣ бо иштироки Раиси ноҳия Ҷӯраев Рустамбой Боймуротович, Раиси Кумитаи иҷроияи ҲХДТ, вохӯрӣ бо ҷавонони даъватшаванда ба хизмати ҳарбии Қувваҳои мусаллаҳи Тоҷикистон ва волидайни онҳо баргузор гардид.
Раиси ноҳия ин ҳамоишро ифтитоҳ намуда, ҳамчунин зимни суханрони қайд намуд: «хизмати ҳарбӣ ин вазифаи муқаддаси ҳар як шаҳрванди Тоҷикистон аст». Дар ридифи ин, аз тарафи мавсуф зикр гардид, ки «имсол нисбати солҳои пешин сафи ҷавононе, ки бо хоҳиши худ ба хизмати ҳарбӣ мераванд, хело зиёд аст, ки далолат аз дарки баланди худшиносӣ ва меҳандӯстдории мардуми ин диёр мекунад. Ҳамчунин, аз он дарак медиҳад, ки ҷавонон ва волидайни онҳо сиёсати имрӯзаи давлат-Ватани худро ба хубӣ дарк карда, онро ҷонибдорӣ мекунанд.».
Яке аз волидайни сарбозон гуфт, ки «шукрона ба ин давлату ҳукумат, ба Ҷаноби Олӣ, ки барои тарбия кардану ба воя расонидани фарзандонамон ва зиндагии осудаамон чунин шароити хубро муҳайё кардаанд ва акнун имрӯз вақте фаро расидааст, ки барои тақвият бахшидани ин шарту шароит ва идомаи корҳои хайри он кас фарзандони мо хизмат кунанд».
© Кумитаи иҷроияи ҲХДТ дар ноҳияи Ғончӣ.