Танзим – кафолати зиндагии шоистаи мардум

Панҷ. Имрӯзҳо тибқи нақша-чорабиниҳои Кумитаи иҷроияи ҲХДТ дар ноҳияи Панҷ дар ҳамаи ташкилотҳои ҳизбӣ омӯзиши Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» вохӯрию сӯҳбатҳо идома доранд.
Санаи 14 декабри соли 2017 дар ташкилоти ибтидоии назди идораи давлатии беҳдошти замин ва оби ноҳияи Панҷ ҷиҳати амалӣ гардонидани дастуру супоришҳои Асосгузори сулҳу ваҳдати миллӣ, Президенти Ҷумҳурии Тоҷикистон муҳтарам Эмомалӣ Раҳмон дар самти расонидани муҳтавои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва тарғиби фарханги миллӣ вохурӣ бо кормандони ин корхона баргузор гардид.
Қайд шуд, ки ҳадаф аз танзими ҷашну маросимҳо ин баланд бардоштани сатҳу сифати зиндагии сокинони кишвар буда, самараи неки худро аллакай ба бор овардааст. Аз ҷумла, дар суханрониҳо оиди баргузории бештари ҷашну маросимҳо дар муҳити оилаҳо, ки он ба мустаҳкам кардани сатҳои оилавӣ кӯмак мерасонад, эҳтироми забони давлатӣ, арҷ гузоштан ба расму русуми миллӣ, аз ҷумла сару либоси миллӣ, маросимҳои қайди давлатии ақди никоҳ ва саҳм гузоштан дар тарбияи насли наврас қайд гардид.


Атавуллоева З.
КИ ҲХДТ дар ноҳияи Панҷ.