Танзими анъана ва ҷашну маросимҳо – тақозои замон

Панҷ. Бо ташаббуси Кумитаи иҷроияи ҲХДТ дар ноҳияи Панҷ тибқи нақша- чорабиниҳо дар толори муассисаи таълимии №21 ноҳия ва толори маҷлисгоҳи беморхонаи ноҳиявӣ ҷиҳати амалӣ гардонидани дастуру супоришҳои Асосгузори сулҳу ваҳдати миллӣ, Президенти Ҷумҳурии Тоҷикистон муҳтарам Эмомалӣ Раҳмон, ки аз мулоқот бо фаъолон ва намояндагони кишвар бахшида ба 10-солагии амали Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» бармеоянд, вохурӣ ба аҳли сокинони ҷамоати шаҳраки Панҷ баргузор гардид.
Вохуриҳоро раиси Кумитаи иҷроияи ҲХДТ дар ноҳияи Панҷ Носиров Ё. бо сухани ифтитоҳӣ оғоз бахшида, қайд намуд, ки Қонуни Ҷумҳурии Тоҷикистон «Дар бораи танзими ҷашну маросимҳо дар Ҷумҳурии Тоҷикистон» барои ҳифзи арзишҳои фарҳанги миллӣ буда, барои беҳтар шудани сатҳу сифати зиндагии мардум равона карда шудааст. Ин тадбири дурандешонаи Пешвои миллат дар муддати 10соли охир самараи неки худро аллакай ба бор овардааст. Танзими расму оинхо ба ҳар як хонадон ва дар маҷмӯъ ба Тоҷикистон файзу баракат меорад.
Баъдан, фаъолони ҳизб Зиннатшоев Ҳ., Ҳошимов Т. оиди шарҳи тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва дигар санадҳои меъёрию ҳуқуқӣ баромад намуданд.

КИ ҲХДТ дар ноҳияи Панҷ.