«Сохтмони Истиқлол» таъсис ёфт.

Чанд рўз пештар аз ҷашни Истиқлолияти Ҷумҳурии Тоҷикистон дар КВД «Хоҷагии манзилию коммуналӣ» корхонаи фаръии сохтмони асосӣ ва таъмир, 10 нафар ба узви ҳизб шомил гардид. Ба онҳо дар вазъияти тантанавӣ шаҳодатномаҳои ҳизбї супорида шуд.
Раиси Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ Асоев С.М. иброз дошт, ки Истиқлолияти Тоҷикистон барои мардуми шарафманди тоҷик хушбахтист. Имрӯз дар ҳақиқат миллати куҳанбунёд ва тамаддунпарвари тоҷик дар фазои идонаи ҷашни зебои Истиқлол қарор дарад. Ҳамчунин ёдовар шуд, ки аз ин падидаи нек шукргузорӣ намудан, истиқлолиятро ҳамчун гаҳвараки чашм нигоҳ доштан меҳри онро дар хуну қалби хеш ва ворисонамон ҷой намудан зарур аст.
Сипас, директори корхона Шариф Ғаффоров баён дошт, ки Ҳизби Халқии Демократии Тоҷикистон ҳизби бонуфузу пешсафи ҷомеаи мо мебошад ва дар рушду суботи мамлакат нақши муасир дорад. Барномаи ҳизб баҳри ободию осудагии рӯзгори мардум ҳифзи арзишҳову суннатҳои миллӣ, тарбияи насли ояндасоз, амнияту оромии мамлакат нигаронида шудааст. Мо омода ҳастем баҳри амалисозии Барномаву Оинномаи Ҳизби Халқии Демократии Тоҷикистон бо Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ ҳамкории зич намоем ва саҳми хешро дар татбиқи ғояҳои оливу созандаи он гузорем. Узви ҳизб будан ҳам ифтихор ва ҳам масъулият аст.

Ташкилоти нав «Сохтмони Истиқлол» номгузорӣ гардида, 10 нафар ба аъзогии он қабул шуд. Раиси ташкилот тариқи овоздиҳӣ Шариф Ғаффоров ва муовини раис Ҷунайдулло Саъдуллоев интихоб гардиданд.
Шариф Ғаффоров иброз дошт, ки ҷиҳати иҷрову амалисозии Барнома ва супоришҳои роҳбарияти Ҳизби Халқии Демократии Тоҷикистон бо аъзоёни ташкилот саъйю кушиш хоҳам намуд.
Барои зиёд намудани сафи аъзоёни Ҳизби Халқии Демократии Тоҷикистон тариқи корҳои тарғиботию ташвиқотӣ низ саҳм гирифта, шахсони садоқатманд, худшиносу фарҳанги баланди инсонидоштаро ба ҳизб ҷалб менамоем.
Сипас, ба аъзоёни нави ҳизб шаҳодатномаҳои ҳизбӣ супорида шуд.

Мутахассиси шуъбаи ташкили
КИ ҲХДТ дар ноҳияи Фирдавсӣ С. Сироҷова