Аз 11 июл дар вазорату идораҳои Тоҷикистон нишастҳои матбуотӣ оид ба ҷамъбасти фаъолият дар шаш моҳи соли 2022 оғоз мешаванд Июнь 29, 2022 17:3430-06-2022, 06:59
Хабарро хонданд: 474 нафар
Назарҳо: 2
 ДУШАНБЕ, 29.06.2022 /АМИТ «Ховар»/. Аз 11 июл дар Тоҷикистон оид ба ҷамъбасти натиҷаҳои фаъолият дар шашмоҳаи якуми соли 2022 нишастҳои матбуотии вазорату идораҳо, ташкилоту муассисаҳо оғоз мешаванд. Нақшаи ташкил ва гузаронидани нишастҳои матбуотӣ аз тарафи Роҳбари Дастгоҳи иҷроияи Президенти Ҷумҳурии Тоҷикистон аз 28 июни соли равон тасдиқ шудааст. Зимни нишастҳои матбуотие, ки ҳар рӯзи корӣ аз ҷониби якчанд вазорату идораҳо баргузор мешаванд, намояндагони воситаҳои ахбори омма имкон доранд ба саволу пурсишҳояшон ҷавоб гиранд. Масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» тавассути телефонҳои 238-52-23, 888-08-34-04 мувофиқа намоянд. Эълонҳо оид ба вақт ва макони баргузории нишастҳои матбуотӣ ҳар рӯзи корӣ дар сомонаи АМИТ «Ховар» — www.khovar.tj ба забонҳои тоҷикӣ ва русӣ нашр карда мешаванд. Нишастҳои матбуотӣ тибқи нақшаи тасдиқшуда аз 11 июл оғоз гардида, 5 август ба охир мерасанд. Ёдовар мешавем, ки нишастҳои матбуотӣ мутобиқи Амри Президенти Ҷумҳурии Тоҷикистон аз 15 сентябри соли 2011 доир карда мешаванд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
