Дарси сиёсӣ-омили асосии баланд бардоштани маърифати сиёсии ҷавонону наврасон

Андеша. Дарси сиёсӣ яке аз ташаббусҳои навбатии Кумитаии иҷроияи Ҳизби Халқии Демократии Тоҷикситон дар вилояти Хатлон бобати тақвият бахшидани дониши сиёсии насли ҷавону ояндасози кишвар ба ҳисоб рафта, дар ин замина такмил додани тарбияи онҳо дар рӯҳияи ватандӯстӣ, худшиносӣ, ҳуввияти миллӣ ва эҳтиром гузоштан ба мактабу маориф ҳадафи оиномавии ҳизб мансуб меояд.
Пушида нест, ки имрӯз бархе аз ҷавонони мо аз вазъи сиёсии мураккабу пурпечутоби ҷомеаи башар то андозае ғофилу бехабаранд.
Маориф дар сиёсати иҷтимоии Давлату Ҳукумати Тоҷикистон мавқеи калидӣ ва аввалиндараҷа касб намуда, роҳбарии олии мамлакат ба ин қишри ҷомеа эътимоду боварии беандоза дорад. Барои он, ки ҷавонону наврасонро дар рӯҳияи ватандӯстӣ тарбия намоем, соатҳои сиёсӣ дар ин амали муштараки саривақтии Ҳизби Халқии Демократии Тоҷикистон дар вилояти Хатлон ва Раёсати маорифи вилоят саҳми созгор дорад. Ман фикр мекунам, ки ин амалиёти муштарак минбаъд низ дар тарбияи насли навраси кишвар таъсири мусбӣ мерасонад. Итминони комил дорам, ки ҳизбиён ва аҳли маорифчиёни вилоят барои дар сатҳи даркорӣ баргузор намудани ин чорабинии сиёсӣ дониш, малака ва таҷрибаи андухтаи хешро мавриди амал қарор медиҳанд.
Хасанова Нигора- муовини раис-мудири шуъбаи ташкилӣ ва кор бо кадрҳои КИ ҲХДТ дар н.Панҷ