Зафаробод: Аёдати солинавӣ28-12-2021, 08:25
Хабарро хонданд: 231 нафар
Назарҳо: 0
 Аёдату дидорбинии собиқадорону ниёзмандон ва нафароне, ки дар рушди ҷомеа саҳми бориз доранд, дар меҳвари фаъолияти ҳизбиён қарор дошта, ин ҳадаф дар Барномаи ҲХДТ муқаррар гардидааст. Ҳамасола дар арафаи иду айём аз ҷониби кормандони кумитаи иҷроияи ҲХДТ дар ноҳияи Зафаробод ва саҳми фаъолони ҳизб чорабиниҳо дар ин самт ташкил карда мешавад. Дар арафаи фарорасии соли нави мелодии 2022 бо иқдоми Кумитаи иҷроияи ҲХДТ дар ноҳияи Зафаробод ба як гурӯҳ кӯдакон аз оилаҳои ниёзманд чорабинии солинавӣ ташкил карда шуда, ба онҳо тӯҳфаҳои солинавӣ ва дастурхони идона ороста шуд. Ҳамчунин ба кӯдакони умедбахши Ватан барномаи фарҳанги ташкил карда шуда, ба онҳо таманниёни солинавӣ расонида шуд. Дар чорабинӣ намояндаи МИҲД-и вилояти Суғд, мудири шуъбаи ҳифзи ҳуқуқи кӯдак Салимзода Мадина Қодир, муовини раиси ноҳияи Зафаробод Абдусаломзода Малоҳат Абдусаттор, раиси кумитаи иҷроияи ҲХДТ дар ноҳия Шарифзода Туйғун Тоҳир иштирок ва суханронӣ намуданд. Кӯдакону волидайни онҳо аз ин иқдоми хайрхоҳона шодмонӣ намуда, миннатдории худро ба ташабускорони ин чорабинӣ, ки дар партави сиёсати ғамхоронаи Пешвои миллат, Президенти Ҷумҳурии Тоҷикистон, Раиси муаззами ҲХДТ мӯҳтарам Эмомалӣ Раҳмон роҳандозӣ мегардад, иброз доштанд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
