Дабири кулли СААД: Тоҷикистон марз бо Афғонистонро дилпурона назорат мекунад24-08-2021, 14:34
Хабарро хонданд: 114 нафар
Назарҳо: 0
 ДУШАНБЕ, 24.08.2021/АМИТ «Ховар»/. Вазъият дар сарҳад бо Афғонистон зери назорати Қувваҳои мусаллаҳи Тоҷикистон қарор дорад, бинобар ин зарурияти ба он ҷо фиристондани неруҳои иловагӣ мавҷуд нест. Тавре АМИТ «Ховар» бо истинод ба ТАСС хабар медиҳад, дар ин бора дирӯз дар мулоқоти онлайнӣ бо рӯзноманигорон Дабири кулли Созмони Аҳдномаи амнияти дастҷамъӣ (СААД) Станислав Зас таъкид намуд. «Ҳоли ҳозир сарҳадбонони тоҷик, қувваҳои мусаллаҳ ба таври кофӣ дилпурона вазъи сарҳади Тоҷикистон бо Афғонистонро назорат мекунанд. Бинобар ин зарурияти ҷалби неруҳои иловагӣ ҷиҳати ҳифзи сарҳад вуҷуд надорад», — гуфт Зас. – Албатта, кумак ба сарҳадбонони тоҷик оид ба таҷҳизонидани техникӣ зарур аст. Тадбирҳо дар ин самт, аз ҷумла дар шакли ҳамкориҳои дуҷониба, андешида хоҳанд шуд. Ӯ илова намуд, ки агар чунин зарурият пеш ояд, СААД масъалаи ба минтақа фиристондани неруҳои иловагиро баррасӣ хоҳад намуд. «Мо ҳамаи имкониятҳоро дорем, ки амнияти дилхоҳ давлатеро, ки шомили СААД мебошад, таъмин созем», — хулоса кард Дабири кулли СААД Станистав Зас. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
