Кумитаи иҷроияи ҲҲДТ дар Хуҷанд барои ба хизмати ҳарбӣ рафтани ҷавонписарон вохӯриҳои судманд ташкил менамояд

Бо иқдоми Кумитаи иҷроияи Ҳизби Халқии Демократии Тоҷикистон дар шаҳри Хуҷанд, аз ҷумла, мудирони шуъбаҳои кор бо занон ва ҷавонон Заррина Манонова ва Олимҷон Норматов силсилаи вохӯриҳо дар маҳаллаҳо бевосита бо волидайни сарбозон доир мегарданд. Зимни мулоқот ба ҳозирин дастгирии давлат ва Ҳукумати мамлакат дар самти рушди миллӣ, сол аз сол беҳтар шудани шароити хизмати аксарон ва муҳимтар аз ҳама, дар фазои озоду ободи ҷумҳурӣ хизмат кардани ҷавонписарон фаҳмонида мешавад.

Зимни вохӯриҳо таъкид мегардад, ки ҳимояи марзу буми давлат вазифаи имонӣ ва шаҳрвандии ҳар яки ҷавони бонангу ор буда, бояд дар ин ҷода волидон роҳнамо ва дастгири фарзандон бошанд.

Дар ин росто баргузор шудани чорабиниҳои гуногуни варзишӣ дар ҳамбастагӣ бо муассисаҳои таълимӣ бевосита дар қисмҳои низомӣ, аёдати волидон аз рафти хизмати фарзандон, силсилаи барномаҳои телевизионӣ барои самаранок бурдани маъракаи даъват мусоидат менамояд.

Ёдовар мешавем, ки аз 1 апрел мавсими нави даъват ба сафи Қувваҳои мусаллаҳи Ҷумҳурии Тоҷикистон оғоз ёфта, аллакай дар баъзе ноҳияҳои мамлакат нақшаи даъват ба иҷро расид. Сол то сол ифтихори миллии ҷавонписарон боло рафта, аксаран бо хоҳиши худ ба хизмати аскарӣ мераванд.