Паём ва интихобот дар меҳвари маҷлиси ҳизбиён

Дар Муассисаи давлатии Душанбе-Плаза Маҷҷлиси Кумитаи Иҷроияи Ҳизби Халқии Демократии Тоҷикистон дар шаҳри Душанбе доир гардид. Мутобиқи рӯзномаи маҷлис дар он масъалаҳои омӯзиши Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, оид ба амалӣ намудани дастуру супоришҳои Асосгузори сулҳу ваҳдати миллӣ -Пешвои миллат, Раиси ҳизб муҳтарам Эмомалӣ Раҳмон дар Анҷумани XIII Ҳизби Халқии Демократии Тоҷикистон, таъсиси Ситоди пешазинтихоботии Кумитаи Иҷроияи Ҳизби Халқии Демократии Тоҷикистон дар шаҳри Душанбе ва тасдиқи нақшаи кории Кумитаи Иҷроияи Ҳизби Халқии Демократии Тоҷикистон барои соли 2020 мавриди баррасӣ қарор гирифтанд.
Ҷиҳати шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон Раҳмонзода Зоир Файзалӣ – Раиси Кумитаи Иҷроияи ҲХДТ дар шаҳри Душанбе маърӯза намуда, зикр дошт, ки Паёми Пешвои миллат фарогири тамоми самтҳои ҳаёти иқтисодию иҷтимоӣ, сиёсию фарҳангӣ, дохиливу хориҷиро дар бар гирифта, баҳри рушди босуботи кишвар ва амалӣ намудани бандҳои он марҳилаи нави пешрафту шукуфоиро таъмин намуда, зиндагии арзанда ва инкишофи озодонаро дар роҳирушди минбаъдаи давлатдории навини миллиамон муҳайё месозад. Ҳамзамон, дар маърӯзаи маҷлис чанде аз фаъолони ҳизб оид ба аҳамияти арзишманди ин саҳнаи муҳими миллӣ нуктаҳои ҷолибро манзур карданд. Дар фарҷом аз рӯи масъалаҳои муҳокимашаванда қарорҳои дахлдор қабул гардид.
Баъд аз анҷоми Маҷлиси Кумитаи Иҷроияи ҲХДТ дар шаҳри Душанбе нахустин Маҷлиси Ситоди пешазинтихоботӣ бо аъзои Ситод доир гардид.

Дар он, масъалаҳо оид ба тасдиқи сохтори пешазинтихоботии Кумитаи иҷроияи Ҳизби Халқии Демократии Тоҷикистон дар шаҳри Душанбе, тасдиқи нақшаи фаъолияти Ситоди пешазинтихоботии Кумитаи иҷроияи ҲХДТ дар шаҳри Душанбе дар давраи маъракаи интихоботи Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ, тақсимоти аъзои Ситод ва номзадҳои Ҳизби Халқии Демократии Тоҷикистон аз ҳавзаи ягонаи умумиҷумҳуриявӣ барои фаъолияти таблиғотӣ дар ҳудуди шаҳри Душанбе баррасӣ ва қарорҳои дахлдор қабул карда шуд.