Бақайдгирӣ Ворид
Ворид ба сомона
tj
» » » » Чоршанбе Аловатов дар озмуни Central Asia’s Got Talent ғалабаи мутлақ ба даст овард!

Чоршанбе Аловатов дар озмуни Central Asia’s Got Talent ғалабаи мутлақ ба даст овард!

24-12-2019, 09:26
Хабарро хонданд: 328 нафар
Назарҳо: 0
Чоршанбе Аловатов, овозхони ҷавони тоҷик, нахустин ғолиби мутлақи озмуни нахустини Central Asia’s Got Talent гардид ва 10 миллион тангаи қазоқӣ, баробар ба беш аз 26 ҳазор доллар ҷоизаи асосии озмунро соҳибӣ кард. Пирӯзии ӯ дар пайи овоздиҳии сокинони чаҳор ҷумҳурии Осиёи Марказӣ ба даст омад.

Чоршанбе Аловатов яке аз 12 иштирокдори даври ниҳоии Central Asia’s Got Talent ва намояндаи ягонаи Тоҷикистон дар даври охирин буд. Маросим рӯзи якшанбе, 22-юми декабр дар шаҳри Нурсултони Қазоқистон баргузор гардид.

Яке аз даҳҳо ҳазор нафар ҳаводорони сурудҳои ӯ эҳсоси гуворои шодию ифтихори худро дар шабакаи Facebook мухтасар чунин баён доштааст: «Якшанбе Чоршанбе шуд!». Бале, дирӯз ҳама номи Чоршанберо дар забон ва дар қалбу хотир доштанд, фазоро гӯё номи Чоршанбе пур карда буд.

Чоршанбе Аловатов дар даври ниҳоӣ таронаеро аввал ба забони итолиёӣ ва сипас тоҷикӣ иҷро кард. Вай дар даврҳои гузашта таронаи «Агар он турки шерозӣ»-и Далер Назаров ва «Акрамҷон»-и Муборакшоро хонда, мавриди ситоиши доварону тамошобинон қарор гирифта буд.

Чоршанбе 21-сола ва писари Ҳунарпешаи халқии Тоҷикистон, дорандаи Ҷоизаи давлатии ба номи Абӯабдулло Рӯдакӣ, фалаксарои машҳур Ақназар Аловатов буда, дар шаҳри Хоруғи вилояти Бадахшон ба дунё омадааст ва дар Душанбе ба камол расидааст. Қаблан иштирокдори озмунҳои «Овози тиллоӣ» ва «Парвин» дар Тоҷикистон буд.
Мақоми мавод:
  
Чоп
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
Назари худро гузоред
Номи Шумо: *
E-mail: *
Матни назар:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Рамз: Включите эту картинку для отображения кода безопасности
Агар рамз ноаён бошад, он гоҳ пахш намоед
Рамзро ворид кунед: